Arys aýdandyq politsiia bólimine jergilikti turǵyn aryzdanǵan. Áieldiń aitýynsha, onyń 15 jasar qyzy mektepten tisimdi emdetemin dep suranyp ketip, sodan iz-túzsiz joǵalǵan, dep habarlaidy "Ult aqparat" Túrkistan oblysy PD-nyń baspasóz qyzmetine silteme jasap.
Ata-anasy ózdiginen 2 kún boiy izdep, tappaǵannan keiin politseilerden kómek suraǵan.
Atalǵan habarlamany alysymen politseiler birden izdeýge kirisedi. Kórgen-bilgenderden surastyrady. Barýy múmkin jerler muqiiat tekseriledi. Dostarynan, týystarynan jaýap alynady.
Jaqyn aýmaqtaǵy aýlalar qaralady. Osylai jan-jaqty 2 táýlik boiy júrgizilgen izdestirý jumystary barysynda, Arys qalasynyń kósheleriniń birinen qyzdy taýyp, ata-anasyna aman-esen tabystaidy.
Tekserý barysynda, jasóspirim qyz otbasylyq kikiljińnen qashyp, birneshe kún qaladaǵy aýlalardyń birinen jasyrynatyn qýys taýyp alyp, sonda dalada qonyp kelgenin jetkizdi. Qazirgi tańda oqýshy qyzdyń ata-anasyna qatysty QR ÁQBtK-niń 127-babymen shara kórý máseleleri qaralýda. Odan bólek, 15 jastaǵy boijetkenniń budan aldynda bir ret úiinen ketip qalǵany belgili boldy.
