Áleýmettik jelide diplomy týraly pikirimen synǵa qalǵan Tóreǵali Tóreáliniń qaryndasy Dina Tóreáli «Oi tumar» baǵdarlamasynyń negizgi spikerleriniń biri bolmaq. Osyǵan bailanysty «Habar» agenttigi jobanyń tujyrymdamasy men qatysýshylary týraly aqparat berdi, dep habarlaidy ult.kz.
Agenttiktiń málimetinshe, Dina Tóreáli (tattti_kyz), Laýra Lesbek pen Riza Daniiar baǵdarlamaǵa aptasyna bir ret shyǵatyn negizgi spikerler retinde qarastyrylǵan.
Al jobany Jaina Slambek, Móldir Dosbai, Láilá Sultanqyzy jáne Aqmonshaq Nurtaza júrgizedi.

«Oi tumar» jobasy ártúrli býyn ókilderiniń pikirin jetkizýge arnalǵan. Aldaǵy ýaqytta baǵdarlamaǵa jasóspirimderden bastap aǵa býynǵa deiingi kórermender qonaq bolady. Joba aiasynda barlyq býynnyń kózqarasyna oryn beriledi.
Aita keteiik, buǵan deiin Dina Tóreáli diplomnyń adamnyń jetistigin anyqtamaityny týraly pikirimen áleýmettik jelide qyzý talqyǵa túsken edi. Onyń «diplomym joq, biznesim bar, tabysym bar» degen sózine birqatar oqyrman qarsy pikir bildirgen bolatyn.