ارىس اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانعان. ەيەلدٸڭ ايتۋىنشا, ونىڭ 15 جاسار قىزى مەكتەپتەن تٸسٸمدٸ ەمدەتەمٸن دەپ سۇرانىپ كەتٸپ, سودان ٸز-تٷزسٸز جوعالعان, دەپ حابارلايدى "ۇلت اقپارات" تٷركٸستان وبلىسى پد-نىڭ باسپاسٶز قىزمەتٸنە سٸلتەمە جاساپ.
اتا-اناسى ٶزدٸگٸنەن 2 كٷن بويى ٸزدەپ, تاپپاعاننان كەيٸن پوليتسەيلەردەن كٶمەك سۇراعان.
اتالعان حابارلامانى الىسىمەن پوليتسەيلەر بٸردەن ٸزدەۋگە كٸرٸسەدٸ. كٶرگەن-بٸلگەندەردەن سۇراستىرادى. بارۋى مٷمكٸن جەرلەر مۇقييات تەكسەرٸلەدٸ. دوستارىنان, تۋىستارىنان جاۋاپ الىنادى.
جاقىن اۋماقتاعى اۋلالار قارالادى. وسىلاي جان-جاقتى 2 تەۋلٸك بويى جٷرگٸزٸلگەن ٸزدەستٸرۋ جۇمىستارى بارىسىندا, ارىس قالاسىنىڭ كٶشەلەرٸنٸڭ بٸرٸنەن قىزدى تاۋىپ, اتا-اناسىنا امان-ەسەن تابىستايدى.
تەكسەرۋ بارىسىندا, جاسٶسپٸرٸم قىز وتباسىلىق كيكٸلجٸڭنەن قاشىپ, بٸرنەشە كٷن قالاداعى اۋلالاردىڭ بٸرٸنەن جاسىرىناتىن قۋىس تاۋىپ الىپ, سوندا دالادا قونىپ كەلگەنٸن جەتكٸزدٸ. قازٸرگٸ تاڭدا وقۋشى قىزدىڭ اتا-اناسىنا قاتىستى قر ەقبتك-نٸڭ 127-بابىمەن شارا كٶرۋ مەسەلەلەرٸ قارالۋدا. ودان بٶلەك, 15 جاستاعى بويجەتكەننٸڭ بۇدان الدىندا بٸر رەت ٷيٸنەن كەتٸپ قالعانى بەلگٸلٸ بولدى.
