Ekologiialyq uiymdar qaýymdastyǵynyń tóraiymy Aigúl Soloveva ártúrli jobalarǵa qarajat bólýdiń oryndylyǵy týraly pikirimen bólisti, dep habarlaidy QazAqparat.
«Biz I Azamattyq forýmnan beri memleket, biznes jáne qoǵamnyń seriktestigi týraly kóp aittyq, sondyqtan taqyryp ózekti. Búginnen bastap ártúrli jobalardy júzege asyrý úshin qandai biýdjet qarajaty bólinedi degen suraq týyndaidy. Árine, onyń óz mehanizmi bolýy kerek», - dedi Aigúl Soloveva áleýmettik saraptamany áleýmettik ómirdiń barlyq salasynda engizý týraly onlain-pikirsaiys barysynda.
Onyń aitýynsha, eger áńgime «memlekettik áleýmettik tapsyrys» týraly bolsa, onda ol belgili bir maqsatty toptarǵa, osy máselelerdi sheshýge muqtaj tutynýshylarǵa baǵyttalýy kerek.
«Granttardy, memlekettik áleýmettik tapsyrystardy nemese jeńildikter men bonýstardy jasamas buryn tutynýshylardyń oǵan qalai qaraitynyna nazar aýdarý kerek. Qarajat keibir qoǵamdyq uiymdarǵa sarqylmaityn keibir is-áreketterdi júzege asyrý úshin emes, tek óz qyzmetkerleriniń shaǵyn tobyn ustap otyrý úshin ǵana bólinedi. Sondyqtan meniń oiymsha, saýalnama bolýy kerek», - deidi spiker.
Onyń pikirinshe, Azamattyq Alianstyń róline negizdelgen, ózara tiimdi úshjaqty yntymaqtastyq bolýy kerek.
«Bul rette ózara tiimdilik máselesine basa nazar aýdarý kerek. Meniń oiymsha, bul oryndy. Azamattyq Alians qabyldaýy kerek, óitkeni oǵan qoǵamdyq uiymdar kiredi», - deidi ol.
