foto: stan.kz
Qostanai oblysy Jitiqara aýdandyq sotynda 5 balasy órtenip ketken anaǵa qatysty qylmystyq is qaraldy. Bul týraly Stan.kz aqparat agenttigine silteme jasap, Ult.kz habarlaidy.
Aýdandyq sotta Qylmystyq kodekstiń “Abaisyzda 5 balanyń ólimine ákep soqtyrǵan órt qaýipsizdigi talaptaryn buzý” baby boiynsha aiyptalýshyǵa qatysty qylmystyq is qaraldy.
"Sottalýshy balalaryn qaraýsyz qaldyrdyp, úlken ulyna úidiń ishi salqyndaǵan jaǵdaida peshke ot salýdy tapsyrǵan. Uly peshte otyn, kómir jáne turmystyq qoqystardy jaǵady, sondai-aq pesh janynda belgisiz suiyqtyqpen jatqan plastikalyq bótelkeni otqa salady. Nátijesinde peshtegi jalynnyń janyp, órtke ainalýyna sebep boldy. Órt saldarynan bes bala qaitys boldy. Sottalýshynyń kinási onyń moiyndaý aiǵaqtarymen, kýágerlerdiń aiǵaqtarymen, oqiǵa bolǵan jerdi tekserý hattamasymen jáne sot saraptamalarynyń qorytyndylarymen dáleldendi", — delingen Jetiqara aýdandyq sotynyń habarlamasynda.
Sottalýshy óz kinásin tolyq moiyndap, istegen isine ókinish bildirip, bas bostandyǵynan aiyrmaýdy ótingen.
Sot sheshimimen aiyptalýshyǵa 5 jylǵa bas bostandyǵynan aiyrý jazasy taǵaiyndaldy. Áieldiń jas balasynyń bolýyna bailanysty jazany oryndaý keiinge qaldyryldy.
Úkim zańdy kúshine engen joq.
Eske sala keteiik, buǵan deiin Qostanai oblysynda órt shyǵyp, bes bala qaza tapqan edi.
