Reseilik LDPR jetekshisi Vladimir Jirinovskii Resei biligin Qyrǵyzstannyń qaryzyn keshire bermei, ornyna Ystyqkóldi bergizýdi surady. Bul týraly Regnum aqparat agenttigine silteme jasaǵan NUR.KZ habarlaidy.
Másele Qyrǵyzstannyń Resei aldyndaǵy 240 mln dollar kólemindegi qaryzynda bolyp tur.
"Qaryzdy taǵy da keshirip jatyrmyz, bul durys emes. Eshkimge qaryz berýdiń keregi joq, kerisinshe Reseidiń gúldengeni qajet. Sol kezde barlyǵy bai ári baqytty elde ómir súrý úshin júgiretin bolady. Resei qazir kedeidiń halinde, al qaryzdy keshirip jatyrmyz", - dedi Jirinovskii.
Jirinovskii qaryzdy óteý úshin qyrǵyzdan Ystyqkóldi berýi kerektigin aitty.
"Men Qyrǵyzstanǵa Ystyqkóldi berińder dep aitqam. Bizge 99 jylǵa jalǵa berińder, qaryzdaryń keshiriledi. Ol jaqqa biz zeinetkerler, múgedekter men stýdentterdi jiberetin bolamyz", - deidi Vladimir Jirinovskii.
Reseilik saiasatkerdiń bul sózi kóptegen qyrǵyz azamattarynyń namysyna tigen.
