رەسەيلٸك لدپر جەتەكشٸسٸ ۆلاديمير جيرينوۆسكيي رەسەي بيلٸگٸن قىرعىزستاننىڭ قارىزىن كەشٸرە بەرمەي, ورنىنا ىستىقكٶلدٸ بەرگٸزۋدٸ سۇرادى. بۇل تۋرالى Regnum اقپارات اگەنتتٸگٸنە سٸلتەمە جاساعان NUR.KZ حابارلايدى.
مەسەلە قىرعىزستاننىڭ رەسەي الدىنداعى 240 ملن دوللار كٶلەمٸندەگٸ قارىزىندا بولىپ تۇر.
"قارىزدى تاعى دا كەشٸرٸپ جاتىرمىز, بۇل دۇرىس ەمەس. ەشكٸمگە قارىز بەرۋدٸڭ كەرەگٸ جوق, كەرٸسٸنشە رەسەيدٸڭ گٷلدەنگەنٸ قاجەت. سول كەزدە بارلىعى باي ەرٸ باقىتتى ەلدە ٶمٸر سٷرۋ ٷشٸن جٷگٸرەتٸن بولادى. رەسەي قازٸر كەدەيدٸڭ حالٸندە, ال قارىزدى كەشٸرٸپ جاتىرمىز", - دەدٸ جيرينوۆسكيي.
جيرينوۆسكيي قارىزدى ٶتەۋ ٷشٸن قىرعىزدان ىستىقكٶلدٸ بەرۋٸ كەرەكتٸگٸن ايتتى.
"مەن قىرعىزستانعا ىستىقكٶلدٸ بەرٸڭدەر دەپ ايتقام. بٸزگە 99 جىلعا جالعا بەرٸڭدەر, قارىزدارىڭ كەشٸرٸلەدٸ. ول جاققا بٸز زەينەتكەرلەر, مٷگەدەكتەر مەن ستۋدەنتتەردٸ جٸبەرەتٸن بولامىز", - دەيدٸ ۆلاديمير جيرينوۆسكيي.
رەسەيلٸك ساياساتكەردٸڭ بۇل سٶزٸ كٶپتەگەن قىرعىز ازاماتتارىنىڭ نامىسىنا تيگەن.
