Foto: Softline.com
Búgin QR Prezidenti janyndaǵy Ortalyq kommýnikatsiialar qyzmetinde ótken brifingte QR TsDIAÓM Jasandy intellekt jáne innovatsiialardy damytý komitetiniń tóraǵasy Ǵizzat Baitursynov Qazaqstandaǵy jasandy intellekt ekojúiesiniń damýy týraly aitty, dep habarlaidy Ult.kz.
JI infraqurylymy sonymen qatar JI Ulttyq platformasyn qamtidy jáne memlekettik qyzmetterge qol jetimdilikti jeńildetýge baǵyttalǵan JI agentteriniń 11 prototipin ázirledi.
Ministrlik negizgi salalardy: ónerkásip, energetika, meditsina, qarjy qamtityn Industrial AI Accelerator baǵdarlamasyn bastady.
Industrial AI Accelerator komandalardy irikteý men oqytýdan bastap pilottyq jobalardy iske asyrýǵa deiingi kezeńderdi qamtydy: birinshi tolqyn taý-kenónerkásibi, energetika, meditsina, finteh jáne memlekettik sektorlarynda iske asyryldy. Qorytyndysy boiynsha: 116 ótinim berildi, 32 kompaniia akseleratsiiadan ótti, 27 ushqysh iske qosyldy, onyń 4-i óz tiimdiligin kórsetti jáne masshtabtaýǵa daiyn.
Foto: QR TsDIAÓM
Komitet tóraǵasynyń aitýynsha, alem.ai Halyqaralyq jasandy intellekt ortalyǵy ekojúieniń mańyzdy bóligi bolady, ol bilim berý, ǵylymi jáne kásipkerlik bastamalardy biriktiredi. Onyń alańynda qoǵamdyq aimaqtar, TUMO mektebi, Tomorrow School, AI kampýsy, R&D ortalyǵy jáne AI Government ahýaldyq ortalyǵy bolady.
Is-shara barysynda Astana Hub basqarýshy direktory Daniia Ahmetova sóz sóilep, JI salasynda kadrlyq áleýetti damytý týraly aitty.
"Bes jyl ishinde oqýshylardy, stýdentterdi, memlekettik qyzmetshilerdi, biznes ókilderin jáne keń aýditoriiany qamtý josparlanýda. Bul mindetti iske asyrýǵa memlekettik organdar, akademiialyq jáne jahandyq áriptester jumyldyrylǵan. Astana Hub óz kezeginde JI jáne IT salasynda birqatar bilim berý bastamalaryn iske asyrýda: Tumo, Tomorrow School, QazCoders, derekterdi taldaý jáne Python kýrstary jáne t.b. Biz mamandardy daiyndap qana qoimaimyz – biz jańa oilaýdy, tsifrlyq mádenietti, tehnologiialarǵa jaýapkershilikpen qaraýdy qalyptastyramyz", - dep atap ótti Astana Hub basqarýshy direktory Daniia Ahmetova.
2025 jylǵa arnalǵan negizgi josparlardyń ishinde:
- - alem.ai ortalyǵyn iske qosý,
- - JI damytý boiynsha keńesti qurý,
- - sýperkompiýterlik klasterdi iske qosý jáne bilim berý baǵdarlamalaryn iske qosý,
- - JI strategiiasyn bekitý.
