Jezqazǵanda jastar arasynda tóbeles boldy. Oqiǵa videoǵa túsirilgen, - dep habarlaidy Tengrinews.kz.
Tóbeles 25 naýryzda bolǵany belgili. Onyń videosy áleýmettik jelilerde endi tarap jatyr. Kadralardan birneshe er adam úsh jigitti tepkilep ketkenin kórýge bolady.
Beinejazba quqyq qorǵaý organdarynyń nazarynan tys qalmady. Qaraǵandy oblysy PD baspasóz qyzmeti oqiǵaǵa qatysty túsinik berdi.
"Politseiler qaqtyǵys 25 naýryzda Jezqazǵanda bolǵanyn anyqtady. Jedel-izdestirý sharalary barysynda Jezqazǵan politsiia basqarmasynyń qyzmetkerleri 17-18 jas aralyǵyndaǵy tórt adamdy ustady", - dep habarlady Qaraǵandy oblysy PD baspasóz qyzmetindegiler.
Sondai-aq, vedomstvo ókili QR QK 293-baby 2-bóligi "Buzaqylyq" boiynsha sotaldy tergeý bastalǵanyn aitty. Oqiǵanyń mán-jaiy anyqtalyp jatyr.
