Foto: Pixabay
QMA Ulytaý oblysy boiynsha Departamenti Jezqazǵan qalasynda ornalasqan qubyrdyń 13 myń metrden astamyn urlady degen kúdikpen sotqa deiingi tergeýdi aiaqtady, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
"Memlekettik mekemeniń burynǵy basshysy bir top adammen aldyn ala sóz bailasyp, jalpy somasy 288 mln teńgeden astam memleket múlkin urlaǵany anyqtaldy.
Urlyq faktisin anyqtaý kezinde laýazymdy tulǵa atalǵan nysannyń memlekettik organnyń balansynda joqtyǵy týraly jalǵan anyqtamalar berip, tergeýdi qasaqana jańylystyrǵan. Bul qubyr Jezqazǵan qalasynyń áýejaiy mańynda ornalasqan saiajai ýchaskelerin sýmen qamtamasyz etýge arnalǵan.
Aita keteiik, qazirgi ýaqytta atalǵan azamat kommýnaldyq kásiporynnyń qyzmetkeri emes" - delingen vedomstvo habarlamasynda.
Qylmystyq is sotqa joldandy. QR QPK 201-baby tártibinde ózge aqparat jariia etýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
