"Qazaqmys" korporatsiiasynyń burynǵy qyzmetkeri Jezqazǵan qalasynyń sot ǵimaratynda ózin pyshaqtap tastady, - dep habarlaidy kaz.tengrinews.kz tilshisi.
"Ashýǵa mingen er adam pyshaq ustap, sot ǵimaratynda osymen birnishe minýt boiy tur, ony eshkim toqtatqysy kelmeidi de, jedel kómek kórsetý eshkimniń oiyna da kirip-shyqpaidy...", - dep habarlady áleýmettik jelide kýáger.
Er adam videoda ózin-ózi tilgilep tastaidy. Alaida onyń qandai talaby bar ekeni ázirshe belgisiz.
Oblystyq sottaǵylardyń aitýynsha, er adam "Qazaqmys" korporatsiiasynyń burynǵy qyzmetkeri. "Ol "Qazaqmys" korporatsiiasynyń eks-qyzmetkeri. Oqiǵanyń mán-jaiyn qazir anyqtap jatyrmyz", - dedi vedomstvodaǵylar.
"1989 jylǵy er adam Jezqazǵannyń ortalyq aýrýhanasynda. Ol ish qýysyn tilgilep tastaǵan. Oǵan em kórsetildi, qazir naýqas dárigerlerdiń qaraýynda. Onyń ómirine qaýip tónip turǵan joq", - dep habarlady óz kezeginde densaýlyq saqtaý basqarmasynyń baspasóz hatshysy Aijan Isa.
Al "Qazaqmys" korporatsiiasynyń ókilderi bul oqiǵaǵa qatysty pikir bildirýden bas tartyp otyr.
