Aldaǵy 15 jylda jetisýlyq 97 myń turǵyn jekemenshik úi salý úshin jer telimin alady. Igi bastama «Nurly jer» baǵdarlamasy aiasynda júzege asady, dep habarlaidy "Ult aqparat".
Almaty oblysynda «Nurly jer» memlekettik baǵdarlamasy aiasynda aldaǵy eki jylda jekemenshik turǵyn úi salýshylarǵa eki myń gektardan astam jer bólinedi. Onda 5 myńnan astam jer úi salynbaq.
«Úilerdiń bári zamanǵa sai salynýy kerek. Olardyń kólemi 70 nemese 100 sharshy metr, múmkin odan da úlken bolatyn shyǵar. Biraq qurylystyń sapa jaǵyna basa kóńil aýdarýymyz kerek», dedi Almaty oblystyq sáýlet jáne qurylys basqarmasynyń basshysy Dárken Nurjanov.
Al oblys ortalyǵynda barlyq infroqurylymy júrgizilgen 100 gektar aýmaq igerilmei otyr. Sebebi bul jer telimi «Jetisý» áleýmettik-kásipkerlik korporatsiiasyna tiesili. Olar kezinde bul jerge kottedjdi qalashyq salýdy josparlaǵan. Elektr jelisi, sý jáne káriz júiesi júrgizilgen alqap endi «Nurly jer» baǵdarlamasyna ótýi múmkin. Qazirgi tańda jer telimderin retteý jáne bólý máselesi qarastyrylýda.
