الداعى 15 جىلدا جەتٸسۋلىق 97 مىڭ تۇرعىن جەكەمەنشٸك ٷي سالۋ ٷشٸن جەر تەلٸمٸن الادى. يگٸ باستاما «نۇرلى جەر» باعدارلاماسى اياسىندا جٷزەگە اسادى, دەپ حابارلايدى "ۇلت اقپارات".
الماتى وبلىسىندا «نۇرلى جەر» مەملەكەتتٸك باعدارلاماسى اياسىندا الداعى ەكٸ جىلدا جەكەمەنشٸك تۇرعىن ٷي سالۋشىلارعا ەكٸ مىڭ گەكتاردان استام جەر بٶلٸنەدٸ. وندا 5 مىڭنان استام جەر ٷي سالىنباق.
«ٷيلەردٸڭ بەرٸ زامانعا ساي سالىنۋى كەرەك. ولاردىڭ كٶلەمٸ 70 نەمەسە 100 شارشى مەتر, مٷمكٸن ودان دا ٷلكەن بولاتىن شىعار. بٸراق قۇرىلىستىڭ ساپا جاعىنا باسا كٶڭٸل اۋدارۋىمىز كەرەك», دەدٸ الماتى وبلىستىق سەۋلەت جەنە قۇرىلىس باسقارماسىنىڭ باسشىسى دەركەن نۇرجانوۆ.
ال وبلىس ورتالىعىندا بارلىق ينفروقۇرىلىمى جٷرگٸزٸلگەن 100 گەكتار اۋماق يگەرٸلمەي وتىر. سەبەبٸ بۇل جەر تەلٸمٸ «جەتٸسۋ» ەلەۋمەتتٸك-كەسٸپكەرلٸك كورپوراتسيياسىنا تيەسٸلٸ. ولار كەزٸندە بۇل جەرگە كوتتەدجدٸ قالاشىق سالۋدى جوسپارلاعان. ەلەكتر جەلٸسٸ, سۋ جەنە كەرٸز جٷيەسٸ جٷرگٸزٸلگەن القاپ ەندٸ «نۇرلى جەر» باعدارلاماسىنا ٶتۋٸ مٷمكٸن. قازٸرگٸ تاڭدا جەر تەلٸمدەرٸن رەتتەۋ جەنە بٶلۋ مەسەلەسٸ قاراستىرىلۋدا.
