Ótken jyly Almaty oblysyna kelgen týrister sany 1,5 mln. adam bolsa, sonyń ishinde 750 myńnan astam adam Alakóldiń úlesinde. Demalysyna Jetisýdy qolaily kóretinderdiń sany biyl 2 millionǵa jetedi dep josparlanyp otyr. Bul týraly oblys ákimi Amandyq Batalov turǵyndarmen bolǵan esepti kezdesýinde aitty.
Týrizmde irgeli maqsattarǵa qol jetkizý úshin biylǵy jyly eki iri joba qolǵa alynǵan. Olar - Alakól kóli jaǵalaýynda investitsiia kólemi 10 mlrd. teńge bolatyn «Feniks» JShS-nyń demalys aimaǵy, sonymen qatar Eńbekshiqazaq aýdanynda jobalyq qýatyna sai kúnine 5 myń adamdy qabylai alatyn «Esik» taý shańǵy kýrorty, jobanyń quny 64 mlrd.teńge.
Aita ketsek, Alakól kóli jaǵalaýynyń infraqurylymyn damytýǵa jergilikti biýdjetten 4 mlrd. teńgege jýyq qarjy bólingen. Temirjol qatynasy uiymdastyrylyp, Úsharal qalasynda áýejai salyndy, temir jol vokzalynyń qurylysy bastaldy.
