Foto: egemen.kz
Jetisý oblysynda qaraqshylyq shabýyl kezinde urlanǵan tapansha Almaty oblysy aýmaǵynan tabyldy. Bul Ishki ister ministrligi júrgizip jatqan “Qarý” jedel-profilaktikalyq is-sharasy barysynda anyqtaldy, dep habarlaidy Ult.kz.
Vedomstvonyń málimetinshe, jalpy shara aiasynda zańsyz ainalymnan 25 atys qarýy tárkilengen. Sonymen qatar elimiz boiynsha turǵylyqty mekenjailar boiynsha 48 myńnan astam qarý iesi jáne ortalyqtandyrylǵan saqtaý oryndarynda saqtalǵan 3 myńnan astam qarý birligi tekserilgen.
Tekserý nátijesinde qarý ainalymy men tirkeý tártibin buzýdyń 515 deregi anyqtaldy. Olardyń qatarynda qarýdy saqtaý talaptarynyń buzylýy da tirkelgen.
Almaty oblysynda 1944 jyly shyǵarylǵan «Nagan» úlgisindegi oiyq uńǵyly tapansha tárkilendi. Tergeý derekterine sáikes, bul qarý Jetisý oblysynda jasalǵan qaraqshylyq shabýyl kezinde urlanǵan.
Budan bólek, “Qylmystyq qarý” esebinde turǵan jáne politsiia baqylaýynan tys júrgen 7 qarý iesiniń júrgen jeri anyqtaldy.
Máselen, Almaty qalasynda bir azamat qarýdy basqa óńirge kóshkennen keiin de ishki ister organdaryna tirkemegen. Ol ákimshilik jaýapkershilikke tartylyp, qarýy tárkilendi.
Ishki ister ministrligi azamattarǵa qarý saqtaý, tirkeý jáne paidalaný talaptaryn qatań saqtaýdy eskertti.
