Foto: Gov.kz
Jetisýda esirtki qylmysyna qarsy is-qimyl bólinisiniń qyzmetkerleri sheteldik azamattar men Qazaqstan Respýblikasynyń azamatynan quralǵan uiymdasqan qylmystyq topty ustaý boiynsha operatsiia júrgizdi, – dep habarlaidy Ult.kz, Polisia.kzke silteme jasap.
Ustalǵan top psihotroptyq zattardy óndiretin esirtki zerthanasyn basqarǵan.
“Anyqtalǵandai, jazda sheteldik azamat Frantsiiada júrgen kezinde týysyna shetelde jumysqa turýǵa usynys jasaǵan. Olar Qazaqstanǵa kelgennen keiin jetekshileriniń baqylaýymen esirtki zerthanasyn quryp, onyń nusqaýy boiynsha áreket etken. Qazaqstan azamaty olarǵa qajetti qural-jabdyqtardy jetkizip, esirtki jasyrýmen ainalysqan”, – dedi IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
Ustaý kezinde olardan shamamen 6 kg mefedron jáne arnaiy qural-jabdyq tárkilendi. Kúdiktiler qamaýda.
“Qylmystyq shemanyń basqa da qatysýshylaryn anyqtap, jaýapkershilikke tartý úshin tergeý amaldary júrgizilýde”, – dedi Qýandyq Áljanov.
