فوتو: Gov.kz
جەتٸسۋدا ەسٸرتكٸ قىلمىسىنا قارسى ٸس-قيمىل بٶلٸنٸسٸنٸڭ قىزمەتكەرلەرٸ شەتەلدٸك ازاماتتار مەن قازاقستان رەسپۋبليكاسىنىڭ ازاماتىنان قۇرالعان ۇيىمداسقان قىلمىستىق توپتى ۇستاۋ بويىنشا وپەراتسييا جٷرگٸزدٸ, – دەپ حابارلايدى Ult.kz, Polisia.kzكە سٸلتەمە جاساپ.
ۇستالعان توپ پسيحوتروپتىق زاتتاردى ٶندٸرەتٸن ەسٸرتكٸ زەرتحاناسىن باسقارعان.
“انىقتالعانداي, جازدا شەتەلدٸك ازامات فرانتسييادا جٷرگەن كەزٸندە تۋىسىنا شەتەلدە جۇمىسقا تۇرۋعا ۇسىنىس جاساعان. ولار قازاقستانعا كەلگەننەن كەيٸن جەتەكشٸلەرٸنٸڭ باقىلاۋىمەن ەسٸرتكٸ زەرتحاناسىن قۇرىپ, ونىڭ نۇسقاۋى بويىنشا ەرەكەت ەتكەن. قازاقستان ازاماتى ولارعا قاجەتتٸ قۇرال-جابدىقتاردى جەتكٸزٸپ, ەسٸرتكٸ جاسىرۋمەن اينالىسقان”, – دەدٸ ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆ.
ۇستاۋ كەزٸندە ولاردان شامامەن 6 كگ مەفەدرون جەنە ارنايى قۇرال-جابدىق تەركٸلەندٸ. كٷدٸكتٸلەر قاماۋدا.
“قىلمىستىق سحەمانىڭ باسقا دا قاتىسۋشىلارىن انىقتاپ, جاۋاپكەرشٸلٸككە تارتۋ ٷشٸن تەرگەۋ امالدارى جٷرگٸزٸلۋدە”, – دەدٸ قۋاندىق ەلجانوۆ.
