Foto: ashqy derekkóz
Jetisý oblysynda memlekettik qyzmetshi qumar oiyndarǵa júieli túrde qatysqany úshin qyzmetinen bosatyldy. Bul týraly oblystyq prokýratýranyń baspasóz qyzmeti habarlady.
Qadaǵalaý organynyń málimetinshe, memlekettik organ qyzmetkeri zańmen tyiym salynǵan shekteýlerdi elemei, qumar oiyndarǵa turaqty túrde qatysyp kelgeni anyqtalǵan.
Atalǵan derek Aqsý aýdanynyń prokýratýrasy júrgizgen sybailas jemqorlyqqa qarsy zańnamanyń saqtalýyn taldaý barysynda belgili bolǵan.
Prokýrorlyq tekseristen keiin tártiptik is qaralyp, memlekettik qyzmet bedeline nuqsan keltirgen áreketi úshin qyzmetker atqaryp otyrǵan laýazymynan bosatyldy.
Oblys prokýratýrasy memlekettik qyzmette ádep normalary men zań talaptaryn saqtaý mindetti ekenin atap ótip, olardyń buzylýy tiisti quqyqtyq jaýapkershilikke ákeletinin eskertti.
