Foto: Videodan skrinshot
Panfilov aýdanynda zańsyz esirtki saqtaýmen ainalysqan 21 jastaǵy Túrkistan oblysynyń azamaty ustaldy. Tergeý amaldary júrgizilýde, dep habarlaidy Ult.kz Polisia.kz-ke silteme jasap.
Jetisý oblystyq politsiia departamentiniń málimetine súiensek tintý kezinde kúdiktiden 111 oram esirtki tárkilengen. a-PVP psihotroptyq zaty onyń syrt kiiminiń qaltasynan jáne sómkesinen tabylǵan.
Sonymen qatar, politsiia qyzmetkerleri esirtkiniń jasyryn qoiylǵan oryndaryn anyqtap, taǵy 11 oramdy tapty. Jalpy alynǵan a-PVP mólsheri 63,3 gramm boldy.
— Qazirgi ýaqytta kúdikti qamaýǵa alynyp, tergeý amaldary júrgizilýde. Zańnamaǵa sáikes, esirtki jáne psihotroptyq zattardy zańsyz saqtaý úshin 10 jyldan 15 jylǵa deiin bas bostandyǵynan aiyrý jáne múlkin tárkileý jazasy qarastyrylǵan, — dedi Jetisý oblystyq politsiia departamenti.
Eske salsaq, osyǵan deiin Jetisýda 2 iri esirtki zerthanasynyń joiylǵanyn jáne Alakól aýdanynda taksiden 11 mln teńge urlaǵan kúdiktiniń ustalǵany habarlanǵan bolatyn.
