Foto: ashyq derekkóz
Qarjylyq monitoring agenttiginiń Jetisý oblysy boiynsha departamenti Baqtybai aýylyndaǵy Mádeniet úiin kúrdeli jóndeýge bólingen biýdjet qarajatyn jymqyrý deregi boiynsha tergeý júrgizip jatyr, dep habarlaidy Ult.kz.
Belgili bolǵandai, 2020 jyly Eskeldi aýdanynyń ishki saiasat bólimi men merdiger uiym arasynda Mádeniet úiin kúrdeli jóndeýden ótkizýge 753 mln teńge somasyna kelisimshart jasalǵan. Qujatqa sáikes, nysan 2021 jyldyń jeltoqsan aiynda paidalanýǵa berilýi tiis bolǵan. Alaida búgingi kúnge deiin ǵimarat iske qosylmaǵan.
Tergeý barysynda buryn qabyldanyp, tólemi júrgizilgen birqatar jumystardyń is júzinde oryndalmaǵany anyqtaldy. Sonyń saldarynan memleketke keltirilgen zalal kólemi 212 mln teńgeden asqan.
Qylmystyq iske qatysy bar tulǵalardyń múlkine shekteý qoiyldy. Qazirgi tańda tergeý amaldary jalǵasyp jatyr.
