فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ جەتٸسۋ وبلىسى بويىنشا دەپارتامەنتٸ باقتىباي اۋىلىنداعى مەدەنيەت ٷيٸن كٷردەلٸ جٶندەۋگە بٶلٸنگەن بيۋدجەت قاراجاتىن جىمقىرۋ دەرەگٸ بويىنشا تەرگەۋ جٷرگٸزٸپ جاتىر, دەپ حابارلايدى Ult.kz.
بەلگٸلٸ بولعانداي, 2020 جىلى ەسكەلدٸ اۋدانىنىڭ ٸشكٸ ساياسات بٶلٸمٸ مەن مەردٸگەر ۇيىم اراسىندا مەدەنيەت ٷيٸن كٷردەلٸ جٶندەۋدەن ٶتكٸزۋگە 753 ملن تەڭگە سوماسىنا كەلٸسٸمشارت جاسالعان. قۇجاتقا سەيكەس, نىسان 2021 جىلدىڭ جەلتوقسان ايىندا پايدالانۋعا بەرٸلۋٸ تيٸس بولعان. الايدا بٷگٸنگٸ كٷنگە دەيٸن عيمارات ٸسكە قوسىلماعان.
تەرگەۋ بارىسىندا بۇرىن قابىلدانىپ, تٶلەمٸ جٷرگٸزٸلگەن بٸرقاتار جۇمىستاردىڭ ٸس جٷزٸندە ورىندالماعانى انىقتالدى. سونىڭ سالدارىنان مەملەكەتكە كەلتٸرٸلگەن زالال كٶلەمٸ 212 ملن تەڭگەدەن اسقان.
قىلمىستىق ٸسكە قاتىسى بار تۇلعالاردىڭ مٷلكٸنە شەكتەۋ قويىلدى. قازٸرگٸ تاڭدا تەرگەۋ امالدارى جالعاسىپ جاتىر.
