Foto: Polisia.kz
Jetisý oblysynda habar-osharsyz ketken áiel eski áskeri poligon mańynan tabyldy, - dep habarlaidy "Ult aqparat" IIM baspasóz qyzmetine silteme jasap.
"Panfilov aýdanynda joǵalyp ketken 72 jastaǵy Orynbúbi Muhanova tabyldy. 13 mamyrda úiinen shyǵyp ketken zeinetkerdi izdeý sharalary úsh kúnnen asa ýaqytqa sozyldy. Álsiregen áiel ózi týǵan Lesnovka aýylynan 15-20 shaqyrym jerde eski áskeri poligon mańynan tabyldy.
Politseiler zeinetkerdi izdeý jumystaryna týystarynan bólek eriktilerdi, shekarashylardy jáne jergilikti halyqty, barlyǵy 100-ge jýyq adam jumyldyrdy. Izdestirý tobynyń biri qalyń toǵai arasynan ájeidiń oramalyn taýyp, izdeý baǵytyn anyqtai aldy" - delingen habarlamada.
Jalǵyz ózi júrgen zeinetkerdi jergilikti shopandar baiqap, onyń izine túsip kele jatqan izdeýshilerge habarlaǵan. Ol tamaq pen sýsyz qatty álsirep qalǵan. Meditsinalyq kómek kórsetkennen keiin týystary ony úiine alyp ketken.
