فوتو: Polisia.kz
جەتٸسۋ وبلىسىندا حابار-وشارسىز كەتكەن ەيەل ەسكٸ ەسكەري پوليگون ماڭىنان تابىلدى, - دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
"پانفيلوۆ اۋدانىندا جوعالىپ كەتكەن 72 جاستاعى ورىنبٷبٸ مۇحانوۆا تابىلدى. 13 مامىردا ٷيٸنەن شىعىپ كەتكەن زەينەتكەردٸ ٸزدەۋ شارالارى ٷش كٷننەن اسا ۋاقىتقا سوزىلدى. ەلسٸرەگەن ەيەل ٶزٸ تۋعان لەسنوۆكا اۋىلىنان 15-20 شاقىرىم جەردە ەسكٸ ەسكەري پوليگون ماڭىنان تابىلدى.
پوليتسەيلەر زەينەتكەردٸ ٸزدەۋ جۇمىستارىنا تۋىستارىنان بٶلەك ەرٸكتٸلەردٸ, شەكاراشىلاردى جەنە جەرگٸلٸكتٸ حالىقتى, بارلىعى 100-گە جۋىق ادام جۇمىلدىردى. ٸزدەستٸرۋ توبىنىڭ بٸرٸ قالىڭ توعاي اراسىنان ەجەيدٸڭ ورامالىن تاۋىپ, ٸزدەۋ باعىتىن انىقتاي الدى" - دەلٸنگەن حابارلامادا.
جالعىز ٶزٸ جٷرگەن زەينەتكەردٸ جەرگٸلٸكتٸ شوپاندار بايقاپ, ونىڭ ٸزٸنە تٷسٸپ كەلە جاتقان ٸزدەۋشٸلەرگە حابارلاعان. ول تاماق پەن سۋسىز قاتتى ەلسٸرەپ قالعان. مەديتسينالىق كٶمەك كٶرسەتكەننەن كەيٸن تۋىستارى ونى ٷيٸنە الىپ كەتكەن.
