رەسەي پرەزيدەنتٸ ۆلاديمير پۋتين بەيسەنبٸ كٷنٸ مەسكەۋدٸڭ ۋكرايناداعى جاعدايدى رەتتەۋ جٶنٸندە كەلٸسسٶز جٷرگٸزۋگە دايىن ەكەنٸن مەلٸمدەدٸ. ونىڭ ايتۋىنشا, رەسەي ۋكراينامەن سوعىسقىسى كەلمەيدٸ.
«بٸز ۋكراينامەن سوعىسقىمىز كەلمەيدٸ. بٸراق ەگەر قازٸرگٸ ۋكراين باسشىلىعى سوعىسقىسى كەلسە, سوعىسا بەرسٸن», — دەدٸ پۋتين ۆگترك تٸلشٸسٸ پاۆەل زارۋبينگە.
پۋتيننٸڭ سٶزٸنشە, وسى اپتادا اقش ٶكٸلدەرٸمەن ٶتكەن كەلٸسسٶزدەر بارىسىندا ٷشجاقتى بايلانىستاردى قايتا جانداندىرۋ تۋرالى ۋاعدالاستىققا قول جەتكٸزٸلگەن.
ونىڭ ايتۋىنشا, كەلٸسسٶزدەردە بەيبٸت كەلٸسٸم جاسالعاننان كەيٸن ۋكراينا مەن رەسەيدٸڭ قاۋٸپسٸزدٸگٸن قامتاماسىز ەتۋ مەسەلەسٸ تالقىلانباق.
پۋتين ۋاقىتشا بٸتٸمگە قارسى ەكەنٸن تاعى دا اڭعارتتى. ول سوعىس قيمىلدارىن قىسقا مەرزٸمگە توقتاتۋمەن شەكتەلمەي, تٷپكٸلٸكتٸ كەلٸسٸمگە قول جەتكٸزۋ قاجەت ەكەنٸن ايتتى.
سونداي-اق رەسەي باسشىسى ۋكراينانىڭ شىعىسىنداعى مەسكەۋ باسىپ العان ەرٸ ٶزٸنە تيەسٸلٸ دەپ سانايتىن اۋماقتاردى «تاريحي رەسەي جەرٸ» دەپ اتادى.
«مەنٸڭ بۇل مەسەلەگە كٶزقاراسىم بويىنشا, ول جەرلەر ولاردىڭ اۋماعى ەمەس. بۇل — تاريحي رەسەيدٸڭ جەرٸ. سوندىقتان قانداي دا بٸر اۋماقتىق شىعىندار تۋرالى ايتۋ ورىنسىز دەپ ويلايمىن», — دەدٸ پۋتين.
