20 قازاندا يسپانييانىڭ روكەتاس-دە-مار قالاسىندا اياقتالعان U7–U17 جاس توپتارى اراسىنداعى بالالار مەن جاسٶسپٸرٸمدەرگە ارنالعان FIDE ەلەم چەمپيوناتىندا قازاقستان شاحماتشىلارى جالپىكوماندالىق ەسەپتە بٸرٸنشٸ ورىندى يەلەندٸ. رەسپۋبليكا كٷنٸ قارساڭىندا ەل قۇراماسى 13 مەدال جەڭٸپ الدى, ونىڭ ٸشٸندە جەتٸ التىن, ەكٸ كٷمٸس جەنە تٶرت قولا ماراپات بار. التىن مەدال يەگەرلەرٸنٸڭ اراسىندا — 13 جاسار دانيس قۋاندىقۇلى بار. ول ٶزٸنٸڭ سپورتتىق كارەراسىندا ٷشٸنشٸ رەت ەلەم چەمپيونى اتانىپ وتىر. جارىسقا دايىندىقتى سپورتشى Allur وتاندىق اۆتوموبيل كومپانيياسىنىڭ قولداۋىمەن جانسايا ەبدٸمەلٸك شاحمات اكادەميياسىندا ٶتكٸزدٸ.
حالىقارالىق بٸرٸنشٸلٸككە 82 ەلدەن 721 شاحماتشى قاتىستى. 11 تۋر بويى قاتىسۋشىلار 12 جاس جەنە گەندەرلٸك سانات بويىنشا مەدالدار ٷشٸن باق سىناستى. ەلەم چەمپيوناتىنىڭ قورىتىندىسى بويىنشا قازاقستان موڭعولييا مەن ٶزبەكستاندى ارتقا تاستاپ, مەدالدار كەستەسٸندە كٶش باستادى.
تۋرنيردە دانيس دەرلٸك مٸنسٸز نەتيجە كٶرسەتتٸ. 13 جاسقا دەيٸنگٸلەر ساناتىندا ول مٷمكٸن بولعان 11 ۇپايدىڭ 10,5 ۇپايىن جيناپ, ون جەڭٸسكە جەتتٸ جەنە تەك بٸر پارتييانى تەڭ اياقتادى. قازاقستاندىق سپورتشى تۋرنيردٸ بٸردە-بٸر جەڭٸلٸسسٸز ٶتكٸزٸپ, مىسىردان كەلگەن جاقىن قۋعىنشىسىن بٸر جارىم ۇپايعا باسىپ وزدى.
دانيس ٷشٸن بۇل تيتۋل كارەراسىنداعى ٷشٸنشٸ جەڭٸس بولدى. ول العاش رەت ەلەم چەمپيوناتىن 2023 جىلى مىسىردا 10 جاسقا دەيٸنگٸ شاحماتشىلار اراسىندا جەڭٸپ العان ەدٸ. ەكٸ جىلدان سوڭ ول تابىسىن الماتىدا ٶتكەن ەلەم بٸرٸنشٸلٸگٸندە 12 جاسقا دەيٸنگٸلەر ساناتىندا كايتالادى. يسپانيياداعى بۇل جەڭٸس جاس قازاقستاندىق سپورتشىنىڭ حالىقارالىق جەتٸستٸكتەر سەريياسىن ودان ەرٸ جالعاستىردى. دانيستٸڭ ايتۋىنشا, ول ەلەم چەمپيوناتىنداعى ٷشٸنشٸ جەڭٸسٸن قازاقستانعا ارنايدى جەنە ونى رەسپۋبليكا كٷنٸنە ارنالعان تارتۋ دەپ سانايدى.
قازاقستاننىڭ باسقا ٶكٸلدەرٸ دە جوعارى نەتيجەلەر كٶرسەتتٸ. ٶز جاس ساناتتارىندا لەيلا الداجاروۆا, ماكار چەرنىشوۆ, امالييا ەدرەشەۆا, ميلانا فيليپپوۆا, ەمٸرجان ەنەتوۆ جەنە الدييار جاۋىنباي ەلەم چەمپيوندارى اتاندى. سونىمەن قاتار, ميلانا فيليپپوۆا 11 جاسقا دەيٸنگٸ قىزدار اراسىنداعى تۋرنيردە بارلىق 11 پارتييادا جەڭٸسكە جەتٸپ, ابسوليۋتتٸ نەتيجە كٶرسەتتٸ.
يسپانيياداعى بۇل تابىس قازاقستاندىق شاحمات ٷشٸن نەتيجەلٸ ماۋسىمنىڭ زاڭدى جالعاسى بولدى. 2026 جىلدىڭ قىركٷيەك ايىندا سامارقاندتا ٶتكەن 46-شى بٷكٸلەلەمدٸك شاحمات وليمپياداسىندا ەلدٸڭ ەيەلدەر قۇراماسى كٷمٸس مەدال يەلەنٸپ, 2024 جىلعى جەتٸستٸگٸن قايتالادى. سونىمەن قاتار, قازاقستاندا جاس ويىنشىلاردى دايارلاۋ جٷيەسٸ بەلسەندٸ دامىپ كەلەدٸ. قازاقستان شاحمات فەدەراتسيياسىنىڭ مەلٸمەتٸنشە, «بٸلٸم بەرۋدەگٸ شاحمات» باعدارلاماسى قازٸردٸڭ ٶزٸندە 1 500-دەن استام مەكتەپ پەن 60 مىڭ وقۋشىنى قامتيدى.
يسپانييادا ٶتكەن ەلەم چەمپيوناتىنىڭ قورىتىندىسى قازاقستاندىق شاحماتشىلاردىڭ جاڭا بۋىنىنىڭ حالىقارالىق ارەناداعى بەسەكەگە قابٸلەتتٸلٸگٸن تاعى بٸر مەرتە دەلەلدەدٸ. جەتٸ چەمپيوندىق تيتۋل مەن مەدالدار ەسەبٸندەگٸ بٸرٸنشٸ ورىن وتاندىق شاحمات مەكتەبٸنٸڭ كەزەكتٸ ماڭىزدى جەتٸستٸگٸنە اينالدى.
