Fýtboldan Taldyqorǵannyń «Jetisý» komandasyna bas bapker taǵaiyndaldy, dep habarlaidy klýbtyń baspasóz qyzmeti.
Bul qyzmetke qazaqstandyq maman Konstantin Gorovenko keldi. Ol buǵan deiin Qaraǵandynyń «Shahter» komandasynda bas bapker qyzmetin atqardy.
K.Gorovenko 1977 jyldyń 10 aqpanynda Jambyl oblysynyń Jańatas qalasynda dúniege kelgen. Kásibi fýtboldaǵy alǵashqy qadamyn 1995 jyly Almatynyń «Qairat» komandasynda bastady. Odan keiingi jyldarda Taldyqorǵannyń «Jetisý», elordalyq «Astana», Almatynyń «Alma-Ata», «Megasport», Almaty oblysynyń «Suńqar» klýbtarynyń namysyn qorǵady.
Sońǵy jyldarda bapkerlik qyzmet atqaryp keledi. Ótken jyly Qaraǵandynyń «Shahter» klýbynyń tizginin ustap, Premer-liga komandalary arasyndaǵy el birinshiliginde qaraǵandylyqtar tórtinshi orynǵa turaqtady. Komanda biyl jańa týrnir UEFA Konfederatsiia kýbogynda el namysyn qorǵaidy.
Esterińizge sala ketelik, buǵan deiin «Jetisý» komandasynda bas bapker qyzmetin qazaqstandyq maman Dmitrii Ogai atqardy. Komanda byltyr el birinshiliginde altynshy oryndy mise tutty.
