Taldyqorǵandaǵy Iliias Jansúgirov atyndaǵy Mádeniet saraiynda «Nur Otan» partiiasy oblystyq filialynyń HIH esep berý-sailaý konferentsiiasy ótti. Jiynda partiia filialynyń tóraǵasy, oblystyq filialdyń Saiasi keńesiniń, baqylaý-tekserý komissiiasynyń jańa quramy sailandy. «Nur Otan» partiiasynyń hatshysy Zaýytbek Turysbekov qurmetti qonaq retinde qatysqan jiyndy oblystyq partiia filialynyń tóraǵasy, oblys ákimi Amandyq Batalov ashyp, júrgizip otyrdy. Alqaly jiyn delegattary men konferentsiia qonaqtary aldymen oblystyq partiia filialynyń 2015 – 2016 jyldarda atqarǵan jumysy týraly esebi tyńdady. Minberge kóterilgen oblystyq partiia filialynyń tóraǵasy atqarylǵan jumystardyń nátijesimen tanystyrdy.
– Biyl el tarihyndaǵy aitýly mereitoi – Qazaqstan Respýblikasy Táýelsizdiginiń 25 jyldyǵy. Bul memleketimiz ben halqymyz úshin eń basty ári qundy mereke. Táýelsiz elimiz shirek ǵasyr ishinde talai qiynshylyqqa qarsy tura bildi. Turaqty damý jolyna túsip, biik belesterdi baǵyndyrdy, álemdegi básekege qabiletti 50 eldiń qataryna endi. Memleket basshysynyń eldi damytýdaǵy strategiialyq baǵdarlamalary merziminen buryn júzege asyp keledi. Máńgilik El bolýǵa bekingen memleketimizdiń búgini men keleshegi týraly oi tolǵaityn elimizdiń esepti jyly desek, qatelespeimiz, – dep bastaǵan Amandyq Ǵabbasuly Jetisý jerindegi jetistikterdi saralady. – Atalǵan tabystarǵa oblys turǵyndary, onyń ishinde 114 myńnan astam múshesi bar «Nur Otan» partiiasy da óziniń laiyqty úlesin qosty dep nyq senimmen aita alamyz. Esep berip otyrǵan 2015-2016 jyldar aralyǵy da partiiamyz úshin saiasi oqiǵalarǵa toly, nátijeli kezeń boldy. 2015 jyldyń 26 sáýirinde Qazaqstan Respýblikasy Prezidentiniń kezekten tys sailaýy ótti. Qazaqstan tarihynda alǵash ret sailaýshylardyń 95,2 paiyzy qatysyp, halqymyzdyń barlyq aimaqtary boiynsha júrgizilgen qorytyndysyna sáikes, azamattardyń 97,5 paiyzy Nursultan Ábishulyna daýys berdi. Bizdiń oblysymyzda sailaýshylardyń 98,9 paiyzy elimizdiń Tuńǵysh Prezidentine qoldaý bildirdi. Biylǵy 20 naýryzda ótken Qazaqstan Respýblikasy Parlamenti Májilisi jáne barlyq deńgeidegi máslihat depýtattarynyń kezekten tys sailaýy oblysymyzda joǵary deńgeide uiymdastyrylyp, oblystyq, aýdandyq, qalalyq máslihattarynyń quramyna 334 depýtat sailandy. Onyń 326-sy «Nur Otan» partiiasynyń músheleri. Osy eki sailaý nátijesi bizdiń partiiamyz úshin úlken múmkindikter ashty, turǵyndardyń shynaiy qoldaýyna ie boldy. Partiianyń XVII sezinde qabyldanǵan «Qazaqstan – 2021: Birlik. Turaqtylyq. Jasampazdyq» atty sailaýaldy baǵdarlamamyz aldaǵy naqty mejelerdi belgiledi. Osyǵan sáikes, oblystyq partiia filialynyń jospary ázirlenip, bekitildi, ár sala boiynsha Saiasi keńes múshelerine de naqty mindetter júkteldi. Nátijesinde, is-sharalar jospary barlyq negizgi baǵyttar boiynsha oryndalýda.
Jiynda keltirgen málimetterge súiensek, oblys boiynsha kóptegen is jasalǵan. Olardyń ishinde quny 513,9 milliard teńge bolatyn óndirilgen ónimderdiń naqty kóleminiń indeksi 100,1% qurap otyrǵanyn aitýǵa bolady. Sonymen qatar, jańadan 48 óndiris orny iske qosylyp, 26 kásiporyn óz jumysyn ulǵaitty. Osy kezeńde 22,4 myń jumys orny ashylyp, aýylsharýashylyq salasynda 483,9 milliard teńgeniń ónimi óndirildi. Odan bólek, 415,0 milliard teńgeniń investitsiiasy Jetisý ólkesine quiyldy. Bul oblystyq partiia filialynyń Saiasi keńesi elimizde júrgizilip otyrǵan ekonomikalyq jáne áleýmettik jańǵyrtýlardyń jarshysy bolyp otyrǵandyǵynyń belgisi. Sondyqtan da partiia filialy halyqqa bergen ýádesin abyroimen oryndap keledi. Ony oblystyń ekonomikalyq jáne áleýmettik damýynyń qarqynynan, partiianyń sailaýaldy baǵdarlamasy «Nurly Jol» jańa ekonomikalyq saiasaty» baǵytyn oryndaýda belsendi jumys atqarǵanynan kórýge bolady. Byltyrdan beri oblysymyz 83 jobany iske asyrý úshin Ulttyq qordan 49,5 milliard teńge qarajat bólingen. Onyń 11,2 milliard teńgesi ótken jyly belgilengen ýaqytta igerilip, josparlanǵan jumystar tolyq atqarylsa, biyl 69 jobaǵa 38,3 milliard teńge bólinipti. Ótken on aidyń qorytyndysy boiynsha qarjylandyrý josparyna sáikes bólingen 27,9 milliard teńgeniń 26,1 milliard teńgesi 93,6 paiyzǵa igerilgen. «Nurly Jol» baǵdarlamasy turǵyndardy jumyspen qamtýǵa múmkindik týǵyzyp, óńirlerdiń áleýeti artýda. Infraqurylymdy damytý baǵyty boiynsha biyl 19760 oryndy 30 bilim berý nysanynyń qurylysyna 23,6 milliard teńge bólinip, josparǵa sáikes onyń 14,9 milliard teńgesi igerilgen. Búgingi kúni iske qosýǵa josparlanǵan 10 nysannyń toǵyzy – alty mektep, úsh balabaqsha paidalanýǵa berilipti. Byltyr 99 balabaqsha iske qosylsa, biyl 89 balabaqsha sábilerdi qabyldamaq.
Táýelsizdiktiń 25 jyldyǵyna orai «Juldyzdy 25 kún» sheńberinde 25 balabaqshany ashý josparlanyp otyr. Oblysta turǵyn úi infraqurylymyn nyǵaitý baǵyty boiynsha biyl 672 páterli 6 turǵyn úidiń qurylysyna 1,6 milliard teńge bólinip, onyń 755,0 million teńgesi qarjylyq josparǵa sáikes tolyq igerilgen. Bul úilerdiń qurylysy jospar boiynsha keler jyly aiaqtalmaq. Injenerlik-kommýnikatsiialyq infraqurylymdy damytýǵa Ulttyq qordan biyl 19 jobany iske asyrýǵa 6,3 milliard teńge bólinip, onyń 3,9 milliard teńgesi tolyǵymen igerilipti. Jeke úiler qurylysyna arnalǵan 2 myń 384 jer teliminde 312 shaqyrym injenerlik jeliler qurylysy júrgizilgen. Byltyr «Turǵyn úi-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ arqyly biýdjettik nesieleý tetigi sheginde Almaty oblysynda 6 jobany iske asyrýǵa 1,6 milliard teńge bólinip, igerilgeni de aityldy. Sonyń arqasynda turǵyndardy ortalyqtandyrylǵan jylýmen qamtý kórsetkishi 26%-ǵa deiin ulǵaiyp, jylý jelileriniń tozýy 50%-ǵa deiin jáne jelilerdegi joǵaltýlar kólemi 20%-ǵa deiin qysqarypty.
Qatary jyldan-jylǵa tolyǵyp otyrǵan partiia filialy sanǵa emes, sapaǵa kóp kóńil bólýde. 16 aýdandyq jáne 3 qalalyq partiia filialy, 338 bastaýysh partiia uiymy bar oblystyq partiia uiymyna byltyrǵy 1 qańtarda 98 myń 556 adam múshe bolsa, biyl 1 qarashada partiia qatary 114 myń 181 adamǵa jetken. Iaǵni, esepti kezeń ishinde partiia filialynyń músheleri 15 myń 625 adamǵa artypty. Soǵan sai partiia músheleriniń sapalyq quramy da jaqsarǵan. Atap aitqanda, jalpy múshelerdiń 53,5 paiyzy joǵary, 22,5 paiyzy orta arnaýly, 24 paiyzy orta bilimdi. Byltyrdan beri oblystyq partiia filialynyń 54 konferentsiiasy, Saiasi keńestiń 42 jáne Saiasi keńes biýrosynyń 117, baqylaý-tekserý komissiiasynyń 11 otyrysy ótipti. Sol jiyndarda «Nur Otan» partiiasy Tóraǵasynyń XVII sezde bergen tapsyrmalaryn iske asyrý máseleleri qaralyp, ishki partiialyq tártipti nyǵaitý, qoǵamdyq qabyldaýlardyń, depýtattyq fraktsiia men oblystyq máslihat depýtattarynyń qyzmeti týraly esepter tyńdalǵan. Halyqpen tikelei ári tyǵyz jumys isteitin bastaýysh partiia uiymdarynyń bedelin kóterý, jetistikterin nasihattaý maqsatynda jyl saiyn «Eń úzdik bastaýysh partiia uiymy» baiqaýy ótkiziledi. Barlyq partiia uiymdary belsene qatysatyn baiqaýdan byltyr úzdik shyqqan Qarasai aýdanyndaǵy «Eltai» bastaýysh uiymy respýblika boiynsha júldeli 3-oryndy ielendi. Biyl da «Eń úzdik bastaýysh partiia uiymy» baiqaýyna irikteý joǵary deńgeide ótkizilip, oblystyq kezeńnen jeńimpazdar anyqtalǵan. Atap aitqanda, 1-shi sanat boiynsha Balqash aýdanyndaǵy «Bilim» bastaýysh partiia uiymy (tóraǵasy Óksikbaev Baqytjan Nurtaiuly), 2-shi sanat boiynsha Aqsý aýdanyndaǵy «Shońai batyr» bastaýysh partiia uiymy (tóraǵasy Ibraimova Rahat Nyǵmetbekqyzy), 3-shi sanat boiynsha Jambyl aýdanyndaǵy «Shipager» bastaýysh partiia uiymy birinshi oryndy (tóraǵasy Moldaqalyqova Doǵdrgúl Ómirqulqyzy) ielengen.
Odan bólek, «Nur Otan» partiiasynyń Jarǵysyna sáikes partiialyq múshelik jarna tolyq jáne ýaqytyly jinalýda. Mysaly, byltyr 14,4 million teńge jarna esebinde jinalsa, biylǵy on aida bul kórsetkish 10,4 million teńgeni qurapty. Sailaýaldy baǵdarlamanyń «Jańa áleýmettik saiasat, qaýipsizdik jáne turaqtylyq» baǵyty boiynsha iske asyrylyp otyrǵan partiianyń 9 jobasyn júzege asyrýǵa barlyq bastaýysh partiia uiymdary belsendi qatysýda. Byltyrdan beri «Kedergisiz keleshek» jobasy aiasynda oblysta josparlanǵan 260 nysanǵa tolyq beiimdeý jumystary júrgizilip, múmkindigi shekteýli jandarǵa jii qyzmet kórsetetin mekemeler ornalasqan jerlerde 109 jol tańbalary, 3 dybysty qurylǵy ornatylǵan jáne oblystyq «Jetisý» telearnasynda 2 telebaǵdarlama sýrdo aýdarmamen qamtylǵan.
Halyqty jumyspen qamtý, jumyssyzdyq deńgeiin tómendetý, shaǵyn kásipkerlikti damytý arqyly aýyldyq jerlerde óz kásibin ashýshylarǵa arnalǵan «Aýyl turǵyndaryn jumyspen qamtý» jobasy byltyrdan beri nátijeli júzege asyrylyp kele jatqanyn sóz etken oblys basshysy aimaqta jeke qosalqy sharýashylyq bazasynda usaq taýarlar óndirisin uiymdastyrýǵa 6 million teńgege deiingi shaǵyn nesie berýge 2 milliard 930 million teńge qarjy bólingenin jetkizdi. Osy joba aiasynda barlyq aýyl-aimaqtarda 72 seminar-aktsiia ótip, 1 myń 207 adamǵa keńes berilgen. Búginde nesie alǵan 261 sharýa qojalyǵy mal bordaqylap, otbasylyq sút aýlalaryn ashyp, kásibin júrgizip otyr eken. «Uly Dala eli» jobasy aiasynda Táýelsizdiktiń 25 jyldyǵyna arnalǵan respýblikalyq «Altyn tulpar» alaman báigesinde komandalyq esep boiynsha oblys komandasy 1-orynǵa ie bolyp, qazan aiynda Qazaqstan Respýblikasynyń Táýelsizdigine 25 jyl tolýyna orai, oblystyq partiia filialy qoldaýymen Taldyqorǵan qalasynda alǵash ret «Jetisý júirigi» atty alaman báige ótkizildi. «Sátti qadam» partiialyq jobasyna sai 16 myń 989 partiia múshesiniń qatysýymen 124 is-shara uiymdastyrylǵan. Jobanyń úshinshi baǵyty boiynsha Ulttyq biryńǵai testileý kezinde shektik balldy jinai almaǵan 1534 túlektiń 725-i joǵary oqý oryndaryna qabyldanǵan. Odan bólek, 505 jetkinshek tehnikalyq-kásiptik bilim berý mekemelerine tússe, 248 túlek «Jumyspen qamtýdyń jol kartasy – 2020» baǵdarlamasy jáne bastaýysh partiia uiymdary arqyly jumysqa ornalastyrylypty. Biyl mektep bitirgen jastardyń 29-y ásker qataryna shaqyrylsa, taǵy 20-sy mamandardy qaita daiarlaý ortalyqtarynda bilim alýda eken. Osylaisha, UBT synaǵynan ótpegen 1534 túlek ómirdegi óz baǵyt-baǵdaryn tapqan. Sonymen qatar, «Ardagerlerdi ardaqtaiyq», «Baqytty balalyq shaq», «Jastar Otanǵa» partiialyq jobalary iske asyrylýda. Partiia jumysynyń mańyzdy tarmaqtarynyń biri – qoǵamdyq qabyldaý arqyly turǵyndardyń kókeiinde júrgen kóp máselelerdi der kezinde sheshýge múmkindik berilýde. Byltyr qoǵamdyq qabyldaýǵa 5079 ótinish tússe, biylǵy 10 aida qaralǵan 3478 ótinishtiń 936-sy ońtaily sheshimin taýypty. Qalǵan 2 myń 542 ótinishke túrli keńes berilgen.
Jetisý jerindegi jetistikterdi saralap, atqarylǵan jumystardyń nátijesin tanystyrǵan oblystyq partiia filialynyń tóraǵasy, oblys ákimi Amandyq Batalov óz sózin:
– Endi aldymyzda 2017 jylǵa atqaratyn asa mańyzdy mindetter tur. Qazaqstan Respýblikasy Táýelsizdiginiń 25 jyldyǵyna orai jetistikterdi nasihattaý, joǵary deńgeide is-sharalar uiymdastyrý jáne táýelsizdigimizdiń baiandy bolýyna árqaisymyz úles qosýymyz qajet. Qazirgi tańda álemde táýelsiz Qazaqstandy tanymaityn, onymen yntymaqtastyq jaǵdaiynda iskerlik bailanys ornatyp, ózara qarym-qatynas jasaýǵa asyqpaityn el kemde-kem. «Terin tókse jerine, jer tileýin beredi, elin súigen erine, el tileýin beredi» demekshi, osy jetistikter «Nur Otan» partiiasynyń tóraǵasy, Elbasymyz Nursultan Ábishuly Nazarbaevtyń esimimen tyǵyz bailanysty. Baǵytymyz belgili, mindetterimiz aiqyn. Aldymyzda qyzý jumys kútip tur. Endeshe, barshańyzdy elimizdiń igiligi úshin aýyzbirshilikpen aianbai eńbek etýge shaqyramyn, – dep aiaqtady.
Budan soń jaryssózge shyqqan bastaýysh partiia uiymdarynyń jetekshileri, partiia belsendileri – oblystyq máslihat hatshysy, sybailas jemqorlyqqa qarsy is-qimyl jónindegi qoǵamdyq keńestiń tóraǵasy Serik Muqanov, Talǵar aýdandyq máslihatynyń depýtaty, grek etnomádeni ortalyǵy jetekshisiniń orynbasary Natalia Tifantsidi, «Nur Otan» partiiasy Ile aýdandyq filialy tóraǵasynyń birinshi orynbasary Erbolat Turymbetov, Eńbekshiqazaq aýdany, Túrgen aýyldyq okrýginiń ákimi, «Túrgen» BPU tóraiymy Bota Eleýsizova, Rio-de-Janeiro Olimpiadasynyń qola júldegeri Karina Goricheva, Qaratal aýdandyq jastar resýrstyq ortalyǵynyń konsýltanty, «Jas Otan» jastar qanatynyń múshesi Nurjan Rahmetqazynov, «Nur Otan» partiiasy depýtattyq fraktsiiasynyń kólik-logistika infraqurylymyn damytý máseleleri boiynsha komissiianyń tóraǵasy, oblystyq máslihat depýtaty Qanat Qojabekov, Biken Rimova atyndaǵy oblystyq drama teatrynyń aktrisasy, Qazaqstannyń halyq ártisi, partiia ardageri Almahan Kenjebekova, oblystyq máslihat depýtaty, Saiasi keńes biýrosynyń múshesi, Tekeli qalalyq Mádeniet úiiniń direktory Konstantin Nesterov kezekpen shyǵyp, «Nur Otan» partiiasy oblystyq filialynyń 2015-2016 jyldary atqarǵan jumysyna qanaǵattanarlyq degen baǵa berdi. Soǵan sai HIH esep berý-sailaý konferentsiiasynyń delegattary biraýyzdan daýys berip, Qaýly qabyldady.
Budan soń minberge kóterilgen «Nur Otan» partiiasy oblystyq filialynyń baqylaý-tekserý komissiiasynyń tóraǵasy Valerii Sapojnikov baiandama jasap, atqarylǵan jumystarynyń nátijesin tanystyryp, esep berdi. Osyǵan bailanysty konferentsiia delegattary daýys berip, baqylaý-tekserý komissiiasy tóraǵasynyń jumysyn qabyldady. Odan keiin alqaly jiynǵa qatysqan kópshilik oblystyq partiia filialynyń Saiasi keńes músheleri daýys berý arqyly sailandy. Onda da tolyq tizim berý arqyly sailaýdy durys dep tapqan konferentsiia delegattary oblystyq Saiasi keńes quramyna barlyǵy 43 adamdy biraýyzdan sailady. Oblystyq Saiasi keńestiń jańa quramyn «Nur Otan» partiiasy oblystyq filialy tóraǵasynyń orynbasary Gúlnar Toilybaeva tanystyrdy. Budan keiin oblystyq partiia filialynyń baqylaý-tekserý komissiiasynyń quramyna 7 adam biraýyzdan qabyldandy.
Konferentsiianyń kún tártibinde qaralǵan oblystyq partiia filialynyń tóraǵasyn «Nur Otan» partiiasy Jarǵysynyń 9-6 tarmaǵyna sáikes sailaýǵa usynys berý úshin «Nur Otan» partiiasynyń hatshysy Zaýytbek Turysbekov sóz alyp, kópshilikti biraýyzdan daýys berýge shaqyrdy. Sózin:
– Kieli, qasietti Jetisý óńirine, Elbasymyzdyń kindik qany tamǵan jerge kelip erekshe qýanyp otyrmyn, – dep bastaǵan Zaýytbek Qaýysbekuly eki jyl Ózbekstanda, úsh jyl Reseide, tórt jyl Ýkraina elderinde elshilik qyzmetter atqarǵan kezde alǵan áserlerin áńgimelep, elimizdiń qarqyndy damýy úshin, ulttyń rýhani qundylyǵyn saqtaý úshin aianbai eńbek etip, halyq sanyn arttyrýǵa, bilim alýǵa umtylý qajettigin atap ótti. Sol baǵytta partiia músheleri belsendi jumys istep, memleket irgesiniń beriktigin saqtaýǵa qajetti mamandardy jetildirýge, halyqtyń saiasi belsendiligin arttyrýǵa kúsh salý negizgi baǵyt bolýy tiistigine toqtaldy. Ol úshin bilimdi jastardy el men jer, memleket pen halyq aianbai eńbek etýge úiretip, alǵan bilimin tiimdi paidalaný kerek. Alaida Elbasynyń bastamasymen shet memleketterge oqytylǵan 10 myń adamnyń bári birdei Qazaqstan Respýblikasynyń igiligi úshin eńbektenip jatqany az. Óitkeni, alys-jaqyn shetelder bizdiń jastarymyzdy joǵary jalaqymen, áleýmettik jeńildiktermen qyzyqtyryp, ózderine áketýde. Áitpese, qazirgidei jahandaný úderisi kezinde ult retinde, memleket retinde jutylyp ketý qaýpi basym. Jahandanýdyń qarmaǵyna ilikpes úshin eldikti saqtaýdy eskertken Zaýytbek Turysbekov halyqtyń keleshegi «Nur Otan» partiiasymen bailanysty ekenin jetkizdi.
– Birinshi halqymyzdyń sany kóp bolýy kerek. Osyny qazirgi jastarǵa durys uǵyndyrǵan jón. Sebebi, halyqtyń bolashaǵy búgingi jastar. Baiaǵyda Jumabek Táshenov Ońtústik Qazaqstannyń Baltakól degen sharýashylyǵyna kelipti. Shalǵaidaǵy aýyldan eki orystyń qyzyn kórip: «Bular kimder?» – dep surapty. «Bular dárigerler», – degen jaýapty estigen soń: «Ne qazaqtar joq pa?» – dep qaitalai suraq qoiypty. «Joq». «Jiyrma balany daiyndańdar, endigi jyly meditsinalyq institýtqa túsirip beremin!» – dep máseleni tótesinen sheshipti. Sol jiyrma maman áli kúnge deiin sol óńirde jumys isteidi. Olardyń keibirin kórdim, kezdestim, tildestim. Bári de aýylda dáriger. Ózbek halqynda mahalla degen bar. Sonda aýyldyń jastaryna qatysty máseleler qaralady. Árqaisyna: «Sen dáriger bolasyń, sen muǵalim bolasyń. Biz senderdiń qarjylaryńdy kóteremiz. Oqytamyz, toqytamyz, elge kelip eńbek etesiń», – dep tujyrady. Evreilerde tipýtsi degen bar. Sony ózim talai zerttep kórdim. Sonda da ózderiniń balalaryna qatysty taqyryptar kóterilip, kerekti mamandardy igerý talqylanady. Ondaǵy keńesten ótken jastardyń ózge jaqqa ketýge qaqysy joq, óz elinde jumys isteidi. Sondai ádisterdi bizge de paidalanýymyz qajet.
Ekinshi, densaýlyǵy myqty bolǵan halyqtyń bolashaǵy jarqyn. Úshinshi, oqymysty, bilimdi bolýymyz kerek. Sebebi, biz jeti ataǵa deiin qan aralastyrmaityn halyqpyz. Shetelderde elshilikte eńbek etken jyldarymda joǵary oqý oryndarynyń basshylarynan: «Kimder myqty oqidy?» – dep suraitynmyn. Olar: «Qazaq!» – deidi. Sonda tóbem kókke eki eli jetpegendei qýanamyn. Óitkeni, búgingi kúni bizdiń qabiletimiz aýyr eńbekke, ketpen-kúrekke nasharlaý bolyp tur. Sol sebepti, qiyndyqty aqylmen, intellektpen ǵana jeńemiz. Onda da diplomnyń kóptiginen góri, bir salany tolyq bilgen, bir mamandyqty jetik meńgergen durys. Ol úshin oqý kerek. 90 jyldarda Elbasymyz 10 myń adamdy shet memleketterdiń 100 joǵary oqý ornynda oqytty. Odan bólek, 30 myń qyz-jigit óz qarjysymen shetelde bilim aldy. Barlyǵy 40 myń adam. Búgingi kúni solardyń 300-ge jýyǵy ǵana memlekettik qyzmet salasynda júr. Árine, birqatary kásipkerlikpen ainalysady, Ulttyq kompaniialarda qyzmet etedi. Degenmen, 40 myń adamnyń qalǵany qaida? Eń bastysy, til biletin sondai mamandar sál qiyndyqqa shydamai shetel asyp jatyr. Ol ketken soń, onyń kindiginen taralatyn urpaq ta ketedi, tek ketedi. Bizdiń bar maqtanatynymyz tek. Sol sebepti, osy máselege basa kóńil bólýimiz kerek. Bul óńirden de ketkender az emes shyǵar?! Solardyń bárin Otanyna, týǵan jerine qaitarǵan jón. Oljas Súleimenovtiń aitýynsha, álemde 5 myń túrli ult bar. Olardyń ishinde 200-niń ǵana eli, jeri bar. Qazaqstan solardyń qatarynda. Bul úlken maqtanysh. Egemendikti alý ońai emes, biraq ony saqtaý odan da qiyn. Sol aýyrtpalyq, sol júk endigi urpaqtyń moinyna salynady. Otanyn súietin, patriottyǵy basym ul ǵana sol júkti kóteredi.
130 ult pen ulys ókilderiniń basyn qosyp, beibitshilikti, tynyshtyqty, turaqtylyqty órkendetip otyrǵan elimizge álem jurtshylyǵy qyzyǵatynyn atap ótken Zaýytbek Qaýysbekuly Qazaqstannyń búgingi jetistigin saqtap, qurmettep keleshek urpaqqa amanattaý árqaisymyzdyń mindetimiz ekendigin atap ótti. Sol úshin aianbai eńbek etý, otandyq ónimniń kólemin ulǵaitý basty mindet ekendigin eske aldy. Soǵan sai elimizdiń órkendeýi, memleketimizdiń damýy jolynda eńbek etken «Nur Otan» partiiasy Almaty oblystyq filialy tóraǵasynyń laýazymyna oblys ákimi Amandyq Ǵabbasuly Batalovtyń kandidattyǵyn usynatynyn jetkizgen partiia hatshysy Zaýytbek Turysbekovtyń sózin kópshilik biraýyzdan qoldady. Kópshiliktiń qoldaýyna rizashylyq bildirgen oblys ákimi Amandyq Batalov:
– Elimiz Táýelsizdik alǵan alǵashqy jyldarda Almaty oblysynyń biýdjeti 11 milliard bolatyn. Qazir Elbasy saiasatynyń arqasynda, Úkimet kómeginiń arqasynda, oblys aktiviniń qoldaýynyń arqasynda, osynda otyrǵan barlyq departament, basqarma, mekeme basshylarynyń, kásipkerlik nysandarynyń tynymsyz eńbeginiń arqasynda biýdjetimiz 400 milliard teńgeden asty. Mundai kórsetkish buryn-sońdy bolmaǵan. Bir ǵana bilim salasynyń biýdjeti 140 milliard teńgeden asyp otyr. Bul keibir oblystardyń biýdjetimen para-par. Sondyqtan kórsetkishterimiz jaman emes. Qurmetti konferentsiiaǵa qatysýshylar, «Nur Otan» partiiasynyń músheleri, sizder bildirgen senim údesinen shyǵýǵa ýáde etemin! – dep sózin túiindedi.
Budan soń jańadan qurylǵan Saiasi keńestiń ashyq otyrysynda «Nur Otan» partiiasy Jarǵysynyń 9-4 tarmaǵyna sáikes Saiasi keńes biýrosynyń 13 múshesin Saiasi keńes músheleri biraýyzdan daýys berip, sailady. Saiasi keńes biýrosynyń quramyn «Nur Otan» partiiasy oblystyq filialy tóraǵasynyń birinshi orynbasary Ǵaliasqar Sarybaev tanystyrdy. Oblystyq filial Saiasi keńesiniń, baqylaý-tekserý komissiiasynyń, Saiasi keńes biýrosynyń jańadan sailanǵan múshelerin quttyqtaǵan prezidiým tóraǵasy alqaly jiyndy aiaqtady.
EL SENIMIN NYǴAITTY
Bota Eleýsizova,
Túrgen bastaýysh partiia uiymynyń tóraiymy:
– «Nur Otan» partiiasy qazaqstandyq kóshbasshy partiia ǵana emes, álemdik deńgeide de baǵyt-baǵdary aiqyn jáne damý barysy daralanǵan biiktigimen baǵaly bolyp otyr. Qazirgi tańda partiiaǵa degen el senimi nyǵaiyp, halyqtyń qoldaýyna ie bolýy – partiia baǵdarlamalarynyń naqty, maqsattarynyń aiqyn ekendigine dálel. Bolashaǵy jarqyn partiianyń bizdiń aimaqtaǵy qadamy da tyń serpilispen, jańa tynyspen alǵa bastap keledi. 35 múshemen qurylǵan Túrgen bastaýysh partiia uiymy biylǵy jyly partiia músheleriniń qataryn 607-ge jetkizdi. Partiianyń belsendi, bedeldi músheleri okrýg aýmaǵyna memleketten bólingen qarajattyń maqsatty jumsalýyna qoǵamdyq baqylaý júrgizedi. Jergilikti qaýymdastyqtyń 63 ókiliniń 50-i «Nur Otan» partiiasy músheleri.
Qai kezeńde bolsyn el damýynyń negizgi sharty – eńbek. Al eldiń órkendeýi – ár azamattyń eńbekqorlyǵyna bailanysty. Bul oraida, ózim týyp-ósken, búginde tynys-tirshiligine tireý bolyp, basqaryp kele jatqan Túrgen okrýginde oryn alǵan oń ózgerister az emes. Aýylda árbir eńbekke jaramdy azamat óz boiyndaǵy qabilet-qarymyna qarai jumys jasap, óziniń de, eldiń de turmysyn jańǵyrtýǵa atsalysýda. Jyl basynan 14 orta jáne shaǵyn kásipkerlik nysany iske qosylyp, 69 turaqty, 300 maýsymdyq jumys orny ashyldy. 18 jas maman turaqty jumyspen qamtyldy.
Mektep bitirýshi 64 túlektiń 46-y joǵary, 12- i arnaýly orta oqý oryndaryna túsip, 4-i jumysqa ornalastyryldy. Bastaýysh partiia uiymy bastamasymen 4 aidyń ishinde múgedek, ata-anasynan birdei aiyrylǵan tul jetim Arystan men Aqerkege asarlap turǵyn úi qurylysyn bastap, biylǵy jyly shatyryn japtyq. Keler jyly qonystoiyn atap ótýdi josparlap otyrmyz.
«Kedergisiz keleshek» jobasynyń nátijesin árbir múmkindigi shekteýli jandar sezinýde. Degenmen, nesie berýde keibir qarjylandyrý qorlary men bankterdiń ishki qujattarynda «múmkindigi shekteýli azamattarǵa nesie berilmesin» degen talaptar kedergi bolýda, sondyqtan osy qarama-qaishylyq jan-jaqty qaralyp, oń sheshimin tapsa degen usynysym bar.
YNTYMAQTY ELDIŃ YRYSY MOL
Qanat Qojabekov,
«Nur Otan» partiiasy depýtattyq fraktsiiasynyń kólik-logistika infraqurylymyn damytý máseleleri boiynsha komissiianyń tóraǵasy, oblystyq máslihat depýtaty:
– Qazaq halqynda «Yntymaqty eldiń – yrysy mol» degen danalyq bar. Biz búginde tarihy bite qainasqan, taǵdyry ortaq tutas halyqpyz. Tirligi jarasqan, birligi baq ashqan elmiz! Árine yntymaqty uran, tatýlyqty tý ete bilgen halqymyzdyń keńdigimen «bir jaǵadan bas, bir jeńnen qol» shyǵara, qimyl qosyp kele jatqan sizderdiń eńbekterińiz eren dep bilemin, qurmetti «nurotandyqtar!». Búginde baǵyty aiqyn, jospary naqty, maqsaty biik memlekettiń bolashaqqa bastar árbir qadamy qaryshty bolary haq. «Nurly Jol» baǵdarlamasynyń júzege asýy el ekonomikasy men halyqty jumyspen qamtý máselesine aitarlyqtai oń áserin tigizýde.
QR Prezidenti, «Nur Otan» partiiasynyń Tóraǵasy Nursultan Ábishuly Nazarbaev «Nurly Jol» baǵdarlamasynyń ómirsheń, nátijeli bolýyn «Nur Otan» partiiasyna tapsyrǵany barshańyzǵa aian. Shyn mánindegi halyq partiiasy sol halyq úshin jasalǵan baǵdarlamanyń júzege asýyna jaýapty bolýy zańdylyq. Ótken jyly osy maqsatta máslihattardaǵy partiia fraktsiiasy janynan baǵdarlamanyń 5 negizgi baǵyty boiynsha komissiia quryldy. Oblys boiynsha turaqty 4 komissiia jumys isteidi. Shamamen 73 nysan baqylaýǵa alynǵan. Bul jumysty jergilikti jerlerdegi partiia fraktsiiasynyń ár deńgeidegi depýtattary men bastaýysh partiia uiymdarynyń ókilderi júrgizedi. «Kólik-logistika infraqurylymyn damytý» komissiiasy «Nurly Jol» baǵdarlamasy boiynsha salynyp jatqan strategiialyq mańyzdy nysandardy udaiy baqylap, bólingen qarjynyń ýaqytyly jáne sapaly igerilýin nazarda ustap keledi. Almaty – Óskemen tasjolynyń 235–259 km.-degi ýchaskesin rekonstrýktsiialaý jumystary, Batys Eýropa – Batys Qytai Almaty – Qorǵas avtomobil joldary qurylysy, Shý – Almaty 1 ýchaskesiniń ekinshi qurylys jobasy boiynsha uzyndyǵy 110,7 shaqyrym temirjoldyń jasalyp jatqan jumystary, sonymen qatar, Jarkent óńirindegi salynyp jatqan elimizdegi eń úlken «Qorǵas – Shyǵys qaqpasy» arnaiy ekonomikalyq ailaǵy logistikalyq infraqurylymnyń qurylys jumystary bizdiń arnaiy baqylaýymyzda.
Deni saýdyń táni saý
Karina Goricheva,
Rio-de-Janeiro Olimpiadasynyń qola júldegeri:
– Men úshin mynandai biik minberden sóz sóileý úlken mártebe. Sol úshin sizderge rahmet aitýǵa ruqsat etińizder, «Nur Otan» partiiasy músheleri. Táýelsizdik alǵaly beri elimiz eń birinshi adamnyń densaýlyǵyn saqtaýǵa basymdyq berip kele jatqanyn jaqsy bilemiz. Deni saý adamnyń tániniń saýlyǵyn saqtaýdaǵy eń basty kómekshisi dene shynyqtyrýmen jáne sportpen ainalysý ekendigi belgili. Sol sebepti de «Nur Otan» partiiasy bolashaq urpaqtyń densaýlyǵyn saqtaýdaǵy basty sharttardyń biri retinde sportty damytý máselelerine basa nazar aýdaryp keledi.
Sondyqtan da bul salanyń damýy memlekettiń basty mindetine ainalyp otyr. Bizdiń oblysta bir jarym millionǵa jýyq jetisýlyq dene shynyqtyrýmen jáne sportpen ainalysady. Bul bizdiń óńirdiń shireginen astamyna teń kórsetkish. Oblysta sportpen ainalysýǵa qajetti barlyq múmkindik qarastyrylyp, sporttyq keshender ashylýda, jańa nysandar salynyp, sporttyq oiyndarǵa qomaqty qarjy bólinýde. Osyndai janashyrlyq óz nátijesin berýde. Buǵan bizdiń sportshylardyń halyqaralyq birinshilikterden júldemen oralýy dálel. Táýelsizdik jyldarynda ondaǵan sportshy Olimpiada oiyndarynyń altyn medalin ielense, odan eki ese kóp sportshy álem chempiondyǵy jáne qurlyq birinshilikterinen júlde oljalady. Sonyń biri retinde biyl Rio-de-Janeiro qalasynda ótken 2016 jylǵy Olimpiada oiyndaryn atai alamyn. Halyqaralyq birinshilikten bizdiń sportshylar ártúrli deńgeidegi 18 medal enshiledi. Solardyń qatarynda aýyr atletikadan alǵan meniń de qola medalim bar. Memleketimiz ben Prezidentimiz, jeńis jolynda bizderge qýat bergen milliondaǵan jankúier, jattyqtyrýshylar men sporttaǵy daryndy balalarǵa arnalǵan mektep-internattaǵy ustazdarym kórsetken qoldaý bolmaǵanda mundai jetistikke jeter me edik, jetpes pe edik?! Jetistiktiń bári de, eń aldymen, Jaratqan Qudaidyń, sodan keiin sizderdiń kórsetken senimderińizdiń arqasynda. Endeshe árbir sportshynyń basty armany – halqynyń senimin aqtaý jáne jeńis minberine Memlekettik Tý kóterilgende shyrqalǵan Gimnniń astynda basty tik ustap, kókirekti kernegen qýanyshqa marqaiý. Chempionnyń basty qasietterine – Kúsh, Erik, Rýh, Patriotizm, Erlik jatady. Sizder barda budan da biik maqsattarǵa qol jetkizip, Qazaqstan Respýblikasynyń Kók bairaǵyn jelbiretemiz.
Mádi Aljanbai
Derekkózi: "Jetisý" gazeti
