Almaty qalasyndaǵy ál-Farabi dańǵyly, Saiyn kóshesi, Shyǵys ainalma joly jáne Rysqulov dańǵylynda arnaiy avtobýs jolaqtary paida bolady. Bul týraly qalalyq Jol qozǵalysy jáne jolaýshylar kóligin uiymdastyrý basqarmasynyń basshysy Erjan Dihanbaev málimdedi, dep habarlaidy ult.kz.
Onyń aitýynsha, jańa avtobýs jolaqtaryn engizý boiynsha jumys byltyr kúzden beri júrgizilip keledi jáne joba qazir aiaqtalýǵa jaqyn.
«Jolaq sanyn qysqartpaimyz. Qosymsha avtobýs jolaǵyn engizý úshin qoldanystaǵy jolaqtardyń eni taryltylady. Qazirgi jolaqtardyń eni 3,75 metr, bul avtobýs jolaǵyn ornalastyrýǵa múmkindik beredi», dedi Erjan Dihanbaev óńirlik kommýnikatsiialar qyzmetinde ótken brifingte.
Basqarma basshysy sheshim qabyldaý kezinde halyqaralyq tájiribe, kóliktik modeldeý jáne jol qozǵalysyna júrgizilgen taldaýlar eskerilgenin atap ótti.
Jospar boiynsha, jańa avtobýs jolaqtary aldaǵy jazda iske qosylady. Mamandardyń aitýynsha, bul qoǵamdyq kóliktiń kedergisiz qozǵalýyna jáne joldaǵy keptelisti azaitýǵa yqpal etýi múmkin.
