تالدىقورعانداعى ٸليياس جانسٷگٸروۆ اتىنداعى مەدەنيەت سارايىندا «نۇر وتان» پارتيياسى وبلىستىق فيليالىنىڭ حIح ەسەپ بەرۋ-سايلاۋ كونفەرەنتسيياسى ٶتتٸ. جيىندا پارتييا فيليالىنىڭ تٶراعاسى, وبلىستىق فيليالدىڭ ساياسي كەڭەسٸنٸڭ, باقىلاۋ-تەكسەرۋ كوميسسيياسىنىڭ جاڭا قۇرامى سايلاندى. «نۇر وتان» پارتيياسىنىڭ حاتشىسى زاۋىتبەك تۇرىسبەكوۆ قۇرمەتتٸ قوناق رەتٸندە قاتىسقان جيىندى وبلىستىق پارتييا فيليالىنىڭ تٶراعاسى, وبلىس ەكٸمٸ اماندىق باتالوۆ اشىپ, جٷرگٸزٸپ وتىردى. القالى جيىن دەلەگاتتارى مەن كونفەرەنتسييا قوناقتارى الدىمەن وبلىستىق پارتييا فيليالىنىڭ 2015 – 2016 جىلداردا اتقارعان جۇمىسى تۋرالى ەسەبٸ تىڭدادى. مٸنبەرگە كٶتەرٸلگەن وبلىستىق پارتييا فيليالىنىڭ تٶراعاسى اتقارىلعان جۇمىستاردىڭ نەتيجەسٸمەن تانىستىردى.
– بيىل ەل تاريحىنداعى ايتۋلى مەرەيتوي – قازاقستان رەسپۋبليكاسى تەۋەلسٸزدٸگٸنٸڭ 25 جىلدىعى. بۇل مەملەكەتٸمٸز بەن حالقىمىز ٷشٸن ەڭ باستى ەرٸ قۇندى مەرەكە. تەۋەلسٸز ەلٸمٸز شيرەك عاسىر ٸشٸندە تالاي قيىنشىلىققا قارسى تۇرا بٸلدٸ. تۇراقتى دامۋ جولىنا تٷسٸپ, بيٸك بەلەستەردٸ باعىندىردى, ەلەمدەگٸ بەسەكەگە قابٸلەتتٸ 50 ەلدٸڭ قاتارىنا ەندٸ. مەملەكەت باسشىسىنىڭ ەلدٸ دامىتۋداعى ستراتەگييالىق باعدارلامالارى مەرزٸمٸنەن بۇرىن جٷزەگە اسىپ كەلەدٸ. مەڭگٸلٸك ەل بولۋعا بەكٸنگەن مەملەكەتٸمٸزدٸڭ بٷگٸنٸ مەن كەلەشەگٸ تۋرالى وي تولعايتىن ەلٸمٸزدٸڭ ەسەپتٸ جىلى دەسەك, قاتەلەسپەيمٸز, – دەپ باستاعان اماندىق عابباسۇلى جەتٸسۋ جەرٸندەگٸ جەتٸستٸكتەردٸ سارالادى. – اتالعان تابىستارعا وبلىس تۇرعىندارى, ونىڭ ٸشٸندە 114 مىڭنان استام مٷشەسٸ بار «نۇر وتان» پارتيياسى دا ٶزٸنٸڭ لايىقتى ٷلەسٸن قوستى دەپ نىق سەنٸممەن ايتا الامىز. ەسەپ بەرٸپ وتىرعان 2015-2016 جىلدار ارالىعى دا پارتييامىز ٷشٸن ساياسي وقيعالارعا تولى, نەتيجەلٸ كەزەڭ بولدى. 2015 جىلدىڭ 26 سەۋٸرٸندە قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋى ٶتتٸ. قازاقستان تاريحىندا العاش رەت سايلاۋشىلاردىڭ 95,2 پايىزى قاتىسىپ, حالقىمىزدىڭ بارلىق ايماقتارى بويىنشا جٷرگٸزٸلگەن قورىتىندىسىنا سەيكەس, ازاماتتاردىڭ 97,5 پايىزى نۇرسۇلتان ەبٸشۇلىنا داۋىس بەردٸ. بٸزدٸڭ وبلىسىمىزدا سايلاۋشىلاردىڭ 98,9 پايىزى ەلٸمٸزدٸڭ تۇڭعىش پرەزيدەنتٸنە قولداۋ بٸلدٸردٸ. بيىلعى 20 ناۋرىزدا ٶتكەن قازاقستان رەسپۋبليكاسى پارلامەنتٸ مەجٸلٸسٸ جەنە بارلىق دەڭگەيدەگٸ مەسليحات دەپۋتاتتارىنىڭ كەزەكتەن تىس سايلاۋى وبلىسىمىزدا جوعارى دەڭگەيدە ۇيىمداستىرىلىپ, وبلىستىق, اۋداندىق, قالالىق مەسليحاتتارىنىڭ قۇرامىنا 334 دەپۋتات سايلاندى. ونىڭ 326-سى «نۇر وتان» پارتيياسىنىڭ مٷشەلەرٸ. وسى ەكٸ سايلاۋ نەتيجەسٸ بٸزدٸڭ پارتييامىز ٷشٸن ٷلكەن مٷمكٸندٸكتەر اشتى, تۇرعىنداردىڭ شىنايى قولداۋىنا يە بولدى. پارتييانىڭ XVII سەزٸندە قابىلدانعان «قازاقستان – 2021: بٸرلٸك. تۇراقتىلىق. جاسامپازدىق» اتتى سايلاۋالدى باعدارلامامىز الداعى ناقتى مەجەلەردٸ بەلگٸلەدٸ. وسىعان سەيكەس, وبلىستىق پارتييا فيليالىنىڭ جوسپارى ەزٸرلەنٸپ, بەكٸتٸلدٸ, ەر سالا بويىنشا ساياسي كەڭەس مٷشەلەرٸنە دە ناقتى مٸندەتتەر جٷكتەلدٸ. نەتيجەسٸندە, ٸس-شارالار جوسپارى بارلىق نەگٸزگٸ باعىتتار بويىنشا ورىندالۋدا.
جيىندا كەلتٸرگەن مەلٸمەتتەرگە سٷيەنسەك, وبلىس بويىنشا كٶپتەگەن ٸس جاسالعان. ولاردىڭ ٸشٸندە قۇنى 513,9 ميلليارد تەڭگە بولاتىن ٶندٸرٸلگەن ٶنٸمدەردٸڭ ناقتى كٶلەمٸنٸڭ يندەكسٸ 100,1% قۇراپ وتىرعانىن ايتۋعا بولادى. سونىمەن قاتار, جاڭادان 48 ٶندٸرٸس ورنى ٸسكە قوسىلىپ, 26 كەسٸپورىن ٶز جۇمىسىن ۇلعايتتى. وسى كەزەڭدە 22,4 مىڭ جۇمىس ورنى اشىلىپ, اۋىلشارۋاشىلىق سالاسىندا 483,9 ميلليارد تەڭگەنٸڭ ٶنٸمٸ ٶندٸرٸلدٸ. ودان بٶلەك, 415,0 ميلليارد تەڭگەنٸڭ ينۆەستيتسيياسى جەتٸسۋ ٶلكەسٸنە قۇيىلدى. بۇل وبلىستىق پارتييا فيليالىنىڭ ساياسي كەڭەسٸ ەلٸمٸزدە جٷرگٸزٸلٸپ وتىرعان ەكونوميكالىق جەنە ەلەۋمەتتٸك جاڭعىرتۋلاردىڭ جارشىسى بولىپ وتىرعاندىعىنىڭ بەلگٸسٸ. سوندىقتان دا پارتييا فيليالى حالىققا بەرگەن ۋەدەسٸن ابىرويمەن ورىنداپ كەلەدٸ. ونى وبلىستىڭ ەكونوميكالىق جەنە ەلەۋمەتتٸك دامۋىنىڭ قارقىنىنان, پارتييانىڭ سايلاۋالدى باعدارلاماسى «نۇرلى جول» جاڭا ەكونوميكالىق ساياساتى» باعىتىن ورىنداۋدا بەلسەندٸ جۇمىس اتقارعانىنان كٶرۋگە بولادى. بىلتىردان بەرٸ وبلىسىمىز 83 جوبانى ٸسكە اسىرۋ ٷشٸن ۇلتتىق قوردان 49,5 ميلليارد تەڭگە قاراجات بٶلٸنگەن. ونىڭ 11,2 ميلليارد تەڭگەسٸ ٶتكەن جىلى بەلگٸلەنگەن ۋاقىتتا يگەرٸلٸپ, جوسپارلانعان جۇمىستار تولىق اتقارىلسا, بيىل 69 جوباعا 38,3 ميلليارد تەڭگە بٶلٸنٸپتٸ. ٶتكەن ون ايدىڭ قورىتىندىسى بويىنشا قارجىلاندىرۋ جوسپارىنا سەيكەس بٶلٸنگەن 27,9 ميلليارد تەڭگەنٸڭ 26,1 ميلليارد تەڭگەسٸ 93,6 پايىزعا يگەرٸلگەن. «نۇرلى جول» باعدارلاماسى تۇرعىنداردى جۇمىسپەن قامتۋعا مٷمكٸندٸك تۋعىزىپ, ٶڭٸرلەردٸڭ ەلەۋەتٸ ارتۋدا. ينفراقۇرىلىمدى دامىتۋ باعىتى بويىنشا بيىل 19760 ورىندى 30 بٸلٸم بەرۋ نىسانىنىڭ قۇرىلىسىنا 23,6 ميلليارد تەڭگە بٶلٸنٸپ, جوسپارعا سەيكەس ونىڭ 14,9 ميلليارد تەڭگەسٸ يگەرٸلگەن. بٷگٸنگٸ كٷنٸ ٸسكە قوسۋعا جوسپارلانعان 10 نىساننىڭ توعىزى – التى مەكتەپ, ٷش بالاباقشا پايدالانۋعا بەرٸلٸپتٸ. بىلتىر 99 بالاباقشا ٸسكە قوسىلسا, بيىل 89 بالاباقشا سەبيلەردٸ قابىلداماق.
تەۋەلسٸزدٸكتٸڭ 25 جىلدىعىنا وراي «جۇلدىزدى 25 كٷن» شەڭبەرٸندە 25 بالاباقشانى اشۋ جوسپارلانىپ وتىر. وبلىستا تۇرعىن ٷي ينفراقۇرىلىمىن نىعايتۋ باعىتى بويىنشا بيىل 672 پەتەرلٸ 6 تۇرعىن ٷيدٸڭ قۇرىلىسىنا 1,6 ميلليارد تەڭگە بٶلٸنٸپ, ونىڭ 755,0 ميلليون تەڭگەسٸ قارجىلىق جوسپارعا سەيكەس تولىق يگەرٸلگەن. بۇل ٷيلەردٸڭ قۇرىلىسى جوسپار بويىنشا كەلەر جىلى اياقتالماق. ينجەنەرلٸك-كوممۋنيكاتسييالىق ينفراقۇرىلىمدى دامىتۋعا ۇلتتىق قوردان بيىل 19 جوبانى ٸسكە اسىرۋعا 6,3 ميلليارد تەڭگە بٶلٸنٸپ, ونىڭ 3,9 ميلليارد تەڭگەسٸ تولىعىمەن يگەرٸلٸپتٸ. جەكە ٷيلەر قۇرىلىسىنا ارنالعان 2 مىڭ 384 جەر تەلٸمٸندە 312 شاقىرىم ينجەنەرلٸك جەلٸلەر قۇرىلىسى جٷرگٸزٸلگەن. بىلتىر «تۇرعىن ٷي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق ارقىلى بيۋدجەتتٸك نەسيەلەۋ تەتٸگٸ شەگٸندە الماتى وبلىسىندا 6 جوبانى ٸسكە اسىرۋعا 1,6 ميلليارد تەڭگە بٶلٸنٸپ, يگەرٸلگەنٸ دە ايتىلدى. سونىڭ ارقاسىندا تۇرعىنداردى ورتالىقتاندىرىلعان جىلۋمەن قامتۋ كٶرسەتكٸشٸ 26%-عا دەيٸن ۇلعايىپ, جىلۋ جەلٸلەرٸنٸڭ توزۋى 50%-عا دەيٸن جەنە جەلٸلەردەگٸ جوعالتۋلار كٶلەمٸ 20%-عا دەيٸن قىسقارىپتى.
قاتارى جىلدان-جىلعا تولىعىپ وتىرعان پارتييا فيليالى سانعا ەمەس, ساپاعا كٶپ كٶڭٸل بٶلۋدە. 16 اۋداندىق جەنە 3 قالالىق پارتييا فيليالى, 338 باستاۋىش پارتييا ۇيىمى بار وبلىستىق پارتييا ۇيىمىنا بىلتىرعى 1 قاڭتاردا 98 مىڭ 556 ادام مٷشە بولسا, بيىل 1 قاراشادا پارتييا قاتارى 114 مىڭ 181 ادامعا جەتكەن. ياعني, ەسەپتٸ كەزەڭ ٸشٸندە پارتييا فيليالىنىڭ مٷشەلەرٸ 15 مىڭ 625 ادامعا ارتىپتى. سوعان ساي پارتييا مٷشەلەرٸنٸڭ ساپالىق قۇرامى دا جاقسارعان. اتاپ ايتقاندا, جالپى مٷشەلەردٸڭ 53,5 پايىزى جوعارى, 22,5 پايىزى ورتا ارناۋلى, 24 پايىزى ورتا بٸلٸمدٸ. بىلتىردان بەرٸ وبلىستىق پارتييا فيليالىنىڭ 54 كونفەرەنتسيياسى, ساياسي كەڭەستٸڭ 42 جەنە ساياسي كەڭەس بيۋروسىنىڭ 117, باقىلاۋ-تەكسەرۋ كوميسسيياسىنىڭ 11 وتىرىسى ٶتٸپتٸ. سول جيىنداردا «نۇر وتان» پارتيياسى تٶراعاسىنىڭ XVII سەزدە بەرگەن تاپسىرمالارىن ٸسكە اسىرۋ مەسەلەلەرٸ قارالىپ, ٸشكٸ پارتييالىق تەرتٸپتٸ نىعايتۋ, قوعامدىق قابىلداۋلاردىڭ, دەپۋتاتتىق فراكتسييا مەن وبلىستىق مەسليحات دەپۋتاتتارىنىڭ قىزمەتٸ تۋرالى ەسەپتەر تىڭدالعان. حالىقپەن تٸكەلەي ەرٸ تىعىز جۇمىس ٸستەيتٸن باستاۋىش پارتييا ۇيىمدارىنىڭ بەدەلٸن كٶتەرۋ, جەتٸستٸكتەرٸن ناسيحاتتاۋ ماقساتىندا جىل سايىن «ەڭ ٷزدٸك باستاۋىش پارتييا ۇيىمى» بايقاۋى ٶتكٸزٸلەدٸ. بارلىق پارتييا ۇيىمدارى بەلسەنە قاتىساتىن بايقاۋدان بىلتىر ٷزدٸك شىققان قاراساي اۋدانىنداعى «ەلتاي» باستاۋىش ۇيىمى رەسپۋبليكا بويىنشا جٷلدەلٸ 3-ورىندى يەلەندٸ. بيىل دا «ەڭ ٷزدٸك باستاۋىش پارتييا ۇيىمى» بايقاۋىنا ٸرٸكتەۋ جوعارى دەڭگەيدە ٶتكٸزٸلٸپ, وبلىستىق كەزەڭنەن جەڭٸمپازدار انىقتالعان. اتاپ ايتقاندا, 1-شٸ سانات بويىنشا بالقاش اۋدانىنداعى «بٸلٸم» باستاۋىش پارتييا ۇيىمى (تٶراعاسى ٶكسٸكباەۆ باقىتجان نۇرتايۇلى), 2-شٸ سانات بويىنشا اقسۋ اۋدانىنداعى «شوڭاي باتىر» باستاۋىش پارتييا ۇيىمى (تٶراعاسى يبرايموۆا راحات نىعمەتبەكقىزى), 3-شٸ سانات بويىنشا جامبىل اۋدانىنداعى «شيپاگەر» باستاۋىش پارتييا ۇيىمى بٸرٸنشٸ ورىندى (تٶراعاسى مولداقالىقوۆا دوعدرگٷل ٶمٸرقۇلقىزى) يەلەنگەن.
ودان بٶلەك, «نۇر وتان» پارتيياسىنىڭ جارعىسىنا سەيكەس پارتييالىق مٷشەلٸك جارنا تولىق جەنە ۋاقىتىلى جينالۋدا. مىسالى, بىلتىر 14,4 ميلليون تەڭگە جارنا ەسەبٸندە جينالسا, بيىلعى ون ايدا بۇل كٶرسەتكٸش 10,4 ميلليون تەڭگەنٸ قۇراپتى. سايلاۋالدى باعدارلامانىڭ «جاڭا ەلەۋمەتتٸك ساياسات, قاۋٸپسٸزدٸك جەنە تۇراقتىلىق» باعىتى بويىنشا ٸسكە اسىرىلىپ وتىرعان پارتييانىڭ 9 جوباسىن جٷزەگە اسىرۋعا بارلىق باستاۋىش پارتييا ۇيىمدارى بەلسەندٸ قاتىسۋدا. بىلتىردان بەرٸ «كەدەرگٸسٸز كەلەشەك» جوباسى اياسىندا وبلىستا جوسپارلانعان 260 نىسانعا تولىق بەيٸمدەۋ جۇمىستارى جٷرگٸزٸلٸپ, مٷمكٸندٸگٸ شەكتەۋلٸ جاندارعا جيٸ قىزمەت كٶرسەتەتٸن مەكەمەلەر ورنالاسقان جەرلەردە 109 جول تاڭبالارى, 3 دىبىستى قۇرىلعى ورناتىلعان جەنە وبلىستىق «جەتٸسۋ» تەلەارناسىندا 2 تەلەباعدارلاما سۋردو اۋدارمامەن قامتىلعان.
حالىقتى جۇمىسپەن قامتۋ, جۇمىسسىزدىق دەڭگەيٸن تٶمەندەتۋ, شاعىن كەسٸپكەرلٸكتٸ دامىتۋ ارقىلى اۋىلدىق جەرلەردە ٶز كەسٸبٸن اشۋشىلارعا ارنالعان «اۋىل تۇرعىندارىن جۇمىسپەن قامتۋ» جوباسى بىلتىردان بەرٸ نەتيجەلٸ جٷزەگە اسىرىلىپ كەلە جاتقانىن سٶز ەتكەن وبلىس باسشىسى ايماقتا جەكە قوسالقى شارۋاشىلىق بازاسىندا ۇساق تاۋارلار ٶندٸرٸسٸن ۇيىمداستىرۋعا 6 ميلليون تەڭگەگە دەيٸنگٸ شاعىن نەسيە بەرۋگە 2 ميلليارد 930 ميلليون تەڭگە قارجى بٶلٸنگەنٸن جەتكٸزدٸ. وسى جوبا اياسىندا بارلىق اۋىل-ايماقتاردا 72 سەمينار-اكتسييا ٶتٸپ, 1 مىڭ 207 ادامعا كەڭەس بەرٸلگەن. بٷگٸندە نەسيە العان 261 شارۋا قوجالىعى مال بورداقىلاپ, وتباسىلىق سٷت اۋلالارىن اشىپ, كەسٸبٸن جٷرگٸزٸپ وتىر ەكەن. «ۇلى دالا ەلٸ» جوباسى اياسىندا تەۋەلسٸزدٸكتٸڭ 25 جىلدىعىنا ارنالعان رەسپۋبليكالىق «التىن تۇلپار» الامان بەيگەسٸندە كوماندالىق ەسەپ بويىنشا وبلىس كومانداسى 1-ورىنعا يە بولىپ, قازان ايىندا قازاقستان رەسپۋبليكاسىنىڭ تەۋەلسٸزدٸگٸنە 25 جىل تولۋىنا وراي, وبلىستىق پارتييا فيليالى قولداۋىمەن تالدىقورعان قالاسىندا العاش رەت «جەتٸسۋ جٷيرٸگٸ» اتتى الامان بەيگە ٶتكٸزٸلدٸ. «سەتتٸ قادام» پارتييالىق جوباسىنا ساي 16 مىڭ 989 پارتييا مٷشەسٸنٸڭ قاتىسۋىمەن 124 ٸس-شارا ۇيىمداستىرىلعان. جوبانىڭ ٷشٸنشٸ باعىتى بويىنشا ۇلتتىق بٸرىڭعاي تەستٸلەۋ كەزٸندە شەكتٸك باللدى جيناي الماعان 1534 تٷلەكتٸڭ 725-ٸ جوعارى وقۋ ورىندارىنا قابىلدانعان. ودان بٶلەك, 505 جەتكٸنشەك تەحنيكالىق-كەسٸپتٸك بٸلٸم بەرۋ مەكەمەلەرٸنە تٷسسە, 248 تٷلەك «جۇمىسپەن قامتۋدىڭ جول كارتاسى – 2020» باعدارلاماسى جەنە باستاۋىش پارتييا ۇيىمدارى ارقىلى جۇمىسقا ورنالاستىرىلىپتى. بيىل مەكتەپ بٸتٸرگەن جاستاردىڭ 29-ى ەسكەر قاتارىنا شاقىرىلسا, تاعى 20-سى مامانداردى قايتا دايارلاۋ ورتالىقتارىندا بٸلٸم الۋدا ەكەن. وسىلايشا, ۇبت سىناعىنان ٶتپەگەن 1534 تٷلەك ٶمٸردەگٸ ٶز باعىت-باعدارىن تاپقان. سونىمەن قاتار, «ارداگەرلەردٸ ارداقتايىق», «باقىتتى بالالىق شاق», «جاستار وتانعا» پارتييالىق جوبالارى ٸسكە اسىرىلۋدا. پارتييا جۇمىسىنىڭ ماڭىزدى تارماقتارىنىڭ بٸرٸ – قوعامدىق قابىلداۋ ارقىلى تۇرعىنداردىڭ كٶكەيٸندە جٷرگەن كٶپ مەسەلەلەردٸ دەر كەزٸندە شەشۋگە مٷمكٸندٸك بەرٸلۋدە. بىلتىر قوعامدىق قابىلداۋعا 5079 ٶتٸنٸش تٷسسە, بيىلعى 10 ايدا قارالعان 3478 ٶتٸنٸشتٸڭ 936-سى وڭتايلى شەشٸمٸن تاۋىپتى. قالعان 2 مىڭ 542 ٶتٸنٸشكە تٷرلٸ كەڭەس بەرٸلگەن.
جەتٸسۋ جەرٸندەگٸ جەتٸستٸكتەردٸ سارالاپ, اتقارىلعان جۇمىستاردىڭ نەتيجەسٸن تانىستىرعان وبلىستىق پارتييا فيليالىنىڭ تٶراعاسى, وبلىس ەكٸمٸ اماندىق باتالوۆ ٶز سٶزٸن:
– ەندٸ الدىمىزدا 2017 جىلعا اتقاراتىن اسا ماڭىزدى مٸندەتتەر تۇر. قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا وراي جەتٸستٸكتەردٸ ناسيحاتتاۋ, جوعارى دەڭگەيدە ٸس-شارالار ۇيىمداستىرۋ جەنە تەۋەلسٸزدٸگٸمٸزدٸڭ باياندى بولۋىنا ەرقايسىمىز ٷلەس قوسۋىمىز قاجەت. قازٸرگٸ تاڭدا ەلەمدە تەۋەلسٸز قازاقستاندى تانىمايتىن, ونىمەن ىنتىماقتاستىق جاعدايىندا ٸسكەرلٸك بايلانىس ورناتىپ, ٶزارا قارىم-قاتىناس جاساۋعا اسىقپايتىن ەل كەمدە-كەم. «تەرٸن تٶكسە جەرٸنە, جەر تٸلەۋٸن بەرەدٸ, ەلٸن سٷيگەن ەرٸنە, ەل تٸلەۋٸن بەرەدٸ» دەمەكشٸ, وسى جەتٸستٸكتەر «نۇر وتان» پارتيياسىنىڭ تٶراعاسى, ەلباسىمىز نۇرسۇلتان ەبٸشۇلى نازارباەۆتىڭ ەسٸمٸمەن تىعىز بايلانىستى. باعىتىمىز بەلگٸلٸ, مٸندەتتەرٸمٸز ايقىن. الدىمىزدا قىزۋ جۇمىس كٷتٸپ تۇر. ەندەشە, بارشاڭىزدى ەلٸمٸزدٸڭ يگٸلٸگٸ ٷشٸن اۋىزبٸرشٸلٸكپەن ايانباي ەڭبەك ەتۋگە شاقىرامىن, – دەپ اياقتادى.
بۇدان سوڭ جارىسسٶزگە شىققان باستاۋىش پارتييا ۇيىمدارىنىڭ جەتەكشٸلەرٸ, پارتييا بەلسەندٸلەرٸ – وبلىستىق مەسليحات حاتشىسى, سىبايلاس جەمقورلىققا قارسى ٸس-قيمىل جٶنٸندەگٸ قوعامدىق كەڭەستٸڭ تٶراعاسى سەرٸك مۇقانوۆ, تالعار اۋداندىق مەسليحاتىنىڭ دەپۋتاتى, گرەك ەتنومەدەني ورتالىعى جەتەكشٸسٸنٸڭ ورىنباسارى ناتاليا تيفانتسيدي, «نۇر وتان» پارتيياسى ٸلە اۋداندىق فيليالى تٶراعاسىنىڭ بٸرٸنشٸ ورىنباسارى ەربولات تۇرىمبەتوۆ, ەڭبەكشٸقازاق اۋدانى, تٷرگەن اۋىلدىق وكرۋگٸنٸڭ ەكٸمٸ, «تٷرگەن» بپۇ تٶرايىمى بوتا ەلەۋسٸزوۆا, ريو-دە-جانەيرو وليمپياداسىنىڭ قولا جٷلدەگەرٸ كارينا گوريچەۆا, قاراتال اۋداندىق جاستار رەسۋرستىق ورتالىعىنىڭ كونسۋلتانتى, «جاس وتان» جاستار قاناتىنىڭ مٷشەسٸ نۇرجان راحمەتقازىنوۆ, «نۇر وتان» پارتيياسى دەپۋتاتتىق فراكتسيياسىنىڭ كٶلٸك-لوگيستيكا ينفراقۇرىلىمىن دامىتۋ مەسەلەلەرٸ بويىنشا كوميسسييانىڭ تٶراعاسى, وبلىستىق مەسليحات دەپۋتاتى قانات قوجابەكوۆ, بيكەن ريموۆا اتىنداعى وبلىستىق دراما تەاترىنىڭ اكتريساسى, قازاقستاننىڭ حالىق ەرتٸسٸ, پارتييا ارداگەرٸ الماحان كەنجەبەكوۆا, وبلىستىق مەسليحات دەپۋتاتى, ساياسي كەڭەس بيۋروسىنىڭ مٷشەسٸ, تەكەلٸ قالالىق مەدەنيەت ٷيٸنٸڭ ديرەكتورى كونستانتين نەستەروۆ كەزەكپەن شىعىپ, «نۇر وتان» پارتيياسى وبلىستىق فيليالىنىڭ 2015-2016 جىلدارى اتقارعان جۇمىسىنا قاناعاتتانارلىق دەگەن باعا بەردٸ. سوعان ساي حٸح ەسەپ بەرۋ-سايلاۋ كونفەرەنتسيياسىنىڭ دەلەگاتتارى بٸراۋىزدان داۋىس بەرٸپ, قاۋلى قابىلدادى.
بۇدان سوڭ مٸنبەرگە كٶتەرٸلگەن «نۇر وتان» پارتيياسى وبلىستىق فيليالىنىڭ باقىلاۋ-تەكسەرۋ كوميسسيياسىنىڭ تٶراعاسى ۆالەريي ساپوجنيكوۆ بايانداما جاساپ, اتقارىلعان جۇمىستارىنىڭ نەتيجەسٸن تانىستىرىپ, ەسەپ بەردٸ. وسىعان بايلانىستى كونفەرەنتسييا دەلەگاتتارى داۋىس بەرٸپ, باقىلاۋ-تەكسەرۋ كوميسسيياسى تٶراعاسىنىڭ جۇمىسىن قابىلدادى. ودان كەيٸن القالى جيىنعا قاتىسقان كٶپشٸلٸك وبلىستىق پارتييا فيليالىنىڭ ساياسي كەڭەس مٷشەلەرٸ داۋىس بەرۋ ارقىلى سايلاندى. وندا دا تولىق تٸزٸم بەرۋ ارقىلى سايلاۋدى دۇرىس دەپ تاپقان كونفەرەنتسييا دەلەگاتتارى وبلىستىق ساياسي كەڭەس قۇرامىنا بارلىعى 43 ادامدى بٸراۋىزدان سايلادى. وبلىستىق ساياسي كەڭەستٸڭ جاڭا قۇرامىن «نۇر وتان» پارتيياسى وبلىستىق فيليالى تٶراعاسىنىڭ ورىنباسارى گٷلنار تويلىباەۆا تانىستىردى. بۇدان كەيٸن وبلىستىق پارتييا فيليالىنىڭ باقىلاۋ-تەكسەرۋ كوميسسيياسىنىڭ قۇرامىنا 7 ادام بٸراۋىزدان قابىلداندى.
كونفەرەنتسييانىڭ كٷن تەرتٸبٸندە قارالعان وبلىستىق پارتييا فيليالىنىڭ تٶراعاسىن «نۇر وتان» پارتيياسى جارعىسىنىڭ 9-6 تارماعىنا سەيكەس سايلاۋعا ۇسىنىس بەرۋ ٷشٸن «نۇر وتان» پارتيياسىنىڭ حاتشىسى زاۋىتبەك تۇرىسبەكوۆ سٶز الىپ, كٶپشٸلٸكتٸ بٸراۋىزدان داۋىس بەرۋگە شاقىردى. سٶزٸن:
– كيەلٸ, قاسيەتتٸ جەتٸسۋ ٶڭٸرٸنە, ەلباسىمىزدىڭ كٸندٸك قانى تامعان جەرگە كەلٸپ ەرەكشە قۋانىپ وتىرمىن, – دەپ باستاعان زاۋىتبەك قاۋىسبەكۇلى ەكٸ جىل ٶزبەكستاندا, ٷش جىل رەسەيدە, تٶرت جىل ۋكراينا ەلدەرٸندە ەلشٸلٸك قىزمەتتەر اتقارعان كەزدە العان ەسەرلەرٸن ەڭگٸمەلەپ, ەلٸمٸزدٸڭ قارقىندى دامۋى ٷشٸن, ۇلتتىڭ رۋحاني قۇندىلىعىن ساقتاۋ ٷشٸن ايانباي ەڭبەك ەتٸپ, حالىق سانىن ارتتىرۋعا, بٸلٸم الۋعا ۇمتىلۋ قاجەتتٸگٸن اتاپ ٶتتٸ. سول باعىتتا پارتييا مٷشەلەرٸ بەلسەندٸ جۇمىس ٸستەپ, مەملەكەت ٸرگەسٸنٸڭ بەرٸكتٸگٸن ساقتاۋعا قاجەتتٸ مامانداردى جەتٸلدٸرۋگە, حالىقتىڭ ساياسي بەلسەندٸلٸگٸن ارتتىرۋعا كٷش سالۋ نەگٸزگٸ باعىت بولۋى تيٸستٸگٸنە توقتالدى. ول ٷشٸن بٸلٸمدٸ جاستاردى ەل مەن جەر, مەملەكەت پەن حالىق ايانباي ەڭبەك ەتۋگە ٷيرەتٸپ, العان بٸلٸمٸن تيٸمدٸ پايدالانۋ كەرەك. الايدا ەلباسىنىڭ باستاماسىمەن شەت مەملەكەتتەرگە وقىتىلعان 10 مىڭ ادامنىڭ بەرٸ بٸردەي قازاقستان رەسپۋبليكاسىنىڭ يگٸلٸگٸ ٷشٸن ەڭبەكتەنٸپ جاتقانى از. ٶيتكەنٸ, الىس-جاقىن شەتەلدەر بٸزدٸڭ جاستارىمىزدى جوعارى جالاقىمەن, ەلەۋمەتتٸك جەڭٸلدٸكتەرمەن قىزىقتىرىپ, ٶزدەرٸنە ەكەتۋدە. ەيتپەسە, قازٸرگٸدەي جاھاندانۋ ٷدەرٸسٸ كەزٸندە ۇلت رەتٸندە, مەملەكەت رەتٸندە جۇتىلىپ كەتۋ قاۋپٸ باسىم. جاھاندانۋدىڭ قارماعىنا ٸلٸكپەس ٷشٸن ەلدٸكتٸ ساقتاۋدى ەسكەرتكەن زاۋىتبەك تۇرىسبەكوۆ حالىقتىڭ كەلەشەگٸ «نۇر وتان» پارتيياسىمەن بايلانىستى ەكەنٸن جەتكٸزدٸ.
– بٸرٸنشٸ حالقىمىزدىڭ سانى كٶپ بولۋى كەرەك. وسىنى قازٸرگٸ جاستارعا دۇرىس ۇعىندىرعان جٶن. سەبەبٸ, حالىقتىڭ بولاشاعى بٷگٸنگٸ جاستار. باياعىدا جۇمابەك تەشەنوۆ وڭتٷستٸك قازاقستاننىڭ بالتاكٶل دەگەن شارۋاشىلىعىنا كەلٸپتٸ. شالعايداعى اۋىلدان ەكٸ ورىستىڭ قىزىن كٶرٸپ: «بۇلار كٸمدەر?» – دەپ سۇراپتى. «بۇلار دەرٸگەرلەر», – دەگەن جاۋاپتى ەستٸگەن سوڭ: «نە قازاقتار جوق پا?» – دەپ قايتالاي سۇراق قويىپتى. «جوق». «جيىرما بالانى دايىنداڭدار, ەندٸگٸ جىلى مەديتسينالىق ينستيتۋتقا تٷسٸرٸپ بەرەمٸن!» – دەپ مەسەلەنٸ تٶتەسٸنەن شەشٸپتٸ. سول جيىرما مامان ەلٸ كٷنگە دەيٸن سول ٶڭٸردە جۇمىس ٸستەيدٸ. ولاردىڭ كەيبٸرٸن كٶردٸم, كەزدەستٸم, تٸلدەستٸم. بەرٸ دە اۋىلدا دەرٸگەر. ٶزبەك حالقىندا ماحاللا دەگەن بار. سوندا اۋىلدىڭ جاستارىنا قاتىستى مەسەلەلەر قارالادى. ەرقايسىنا: «سەن دەرٸگەر بولاسىڭ, سەن مۇعالٸم بولاسىڭ. بٸز سەندەردٸڭ قارجىلارىڭدى كٶتەرەمٸز. وقىتامىز, توقىتامىز, ەلگە كەلٸپ ەڭبەك ەتەسٸڭ», – دەپ تۇجىرادى. ەۆرەيلەردە تيپۋتسي دەگەن بار. سونى ٶزٸم تالاي زەرتتەپ كٶردٸم. سوندا دا ٶزدەرٸنٸڭ بالالارىنا قاتىستى تاقىرىپتار كٶتەرٸلٸپ, كەرەكتٸ مامانداردى يگەرۋ تالقىلانادى. ونداعى كەڭەستەن ٶتكەن جاستاردىڭ ٶزگە جاققا كەتۋگە قاقىسى جوق, ٶز ەلٸندە جۇمىس ٸستەيدٸ. سونداي ەدٸستەردٸ بٸزگە دە پايدالانۋىمىز قاجەت.
ەكٸنشٸ, دەنساۋلىعى مىقتى بولعان حالىقتىڭ بولاشاعى جارقىن. ٷشٸنشٸ, وقىمىستى, بٸلٸمدٸ بولۋىمىز كەرەك. سەبەبٸ, بٸز جەتٸ اتاعا دەيٸن قان ارالاستىرمايتىن حالىقپىز. شەتەلدەردە ەلشٸلٸكتە ەڭبەك ەتكەن جىلدارىمدا جوعارى وقۋ ورىندارىنىڭ باسشىلارىنان: «كٸمدەر مىقتى وقيدى?» – دەپ سۇرايتىنمىن. ولار: «قازاق!» – دەيدٸ. سوندا تٶبەم كٶككە ەكٸ ەلٸ جەتپەگەندەي قۋانامىن. ٶيتكەنٸ, بٷگٸنگٸ كٷنٸ بٸزدٸڭ قابٸلەتٸمٸز اۋىر ەڭبەككە, كەتپەن-كٷرەككە ناشارلاۋ بولىپ تۇر. سول سەبەپتٸ, قيىندىقتى اقىلمەن, ينتەللەكتپەن عانا جەڭەمٸز. وندا دا ديپلومنىڭ كٶپتٸگٸنەن گٶرٸ, بٸر سالانى تولىق بٸلگەن, بٸر ماماندىقتى جەتٸك مەڭگەرگەن دۇرىس. ول ٷشٸن وقۋ كەرەك. 90 جىلداردا ەلباسىمىز 10 مىڭ ادامدى شەت مەملەكەتتەردٸڭ 100 جوعارى وقۋ ورنىندا وقىتتى. ودان بٶلەك, 30 مىڭ قىز-جٸگٸت ٶز قارجىسىمەن شەتەلدە بٸلٸم الدى. بارلىعى 40 مىڭ ادام. بٷگٸنگٸ كٷنٸ سولاردىڭ 300-گە جۋىعى عانا مەملەكەتتٸك قىزمەت سالاسىندا جٷر. ەرينە, بٸرقاتارى كەسٸپكەرلٸكپەن اينالىسادى, ۇلتتىق كومپانييالاردا قىزمەت ەتەدٸ. دەگەنمەن, 40 مىڭ ادامنىڭ قالعانى قايدا? ەڭ باستىسى, تٸل بٸلەتٸن سونداي ماماندار سەل قيىندىققا شىداماي شەتەل اسىپ جاتىر. ول كەتكەن سوڭ, ونىڭ كٸندٸگٸنەن تارالاتىن ۇرپاق تا كەتەدٸ, تەك كەتەدٸ. بٸزدٸڭ بار ماقتاناتىنىمىز تەك. سول سەبەپتٸ, وسى مەسەلەگە باسا كٶڭٸل بٶلۋٸمٸز كەرەك. بۇل ٶڭٸردەن دە كەتكەندەر از ەمەس شىعار?! سولاردىڭ بەرٸن وتانىنا, تۋعان جەرٸنە قايتارعان جٶن. ولجاس سٷلەيمەنوۆتٸڭ ايتۋىنشا, ەلەمدە 5 مىڭ تٷرلٸ ۇلت بار. ولاردىڭ ٸشٸندە 200-نٸڭ عانا ەلٸ, جەرٸ بار. قازاقستان سولاردىڭ قاتارىندا. بۇل ٷلكەن ماقتانىش. ەگەمەندٸكتٸ الۋ وڭاي ەمەس, بٸراق ونى ساقتاۋ ودان دا قيىن. سول اۋىرتپالىق, سول جٷك ەندٸگٸ ۇرپاقتىڭ موينىنا سالىنادى. وتانىن سٷيەتٸن, پاتريوتتىعى باسىم ۇل عانا سول جٷكتٸ كٶتەرەدٸ.
130 ۇلت پەن ۇلىس ٶكٸلدەرٸنٸڭ باسىن قوسىپ, بەيبٸتشٸلٸكتٸ, تىنىشتىقتى, تۇراقتىلىقتى ٶركەندەتٸپ وتىرعان ەلٸمٸزگە ەلەم جۇرتشىلىعى قىزىعاتىنىن اتاپ ٶتكەن زاۋىتبەك قاۋىسبەكۇلى قازاقستاننىڭ بٷگٸنگٸ جەتٸستٸگٸن ساقتاپ, قۇرمەتتەپ كەلەشەك ۇرپاققا اماناتتاۋ ەرقايسىمىزدىڭ مٸندەتٸمٸز ەكەندٸگٸن اتاپ ٶتتٸ. سول ٷشٸن ايانباي ەڭبەك ەتۋ, وتاندىق ٶنٸمنٸڭ كٶلەمٸن ۇلعايتۋ باستى مٸندەت ەكەندٸگٸن ەسكە الدى. سوعان ساي ەلٸمٸزدٸڭ ٶركەندەۋٸ, مەملەكەتٸمٸزدٸڭ دامۋى جولىندا ەڭبەك ەتكەن «نۇر وتان» پارتيياسى الماتى وبلىستىق فيليالى تٶراعاسىنىڭ لاۋازىمىنا وبلىس ەكٸمٸ اماندىق عابباسۇلى باتالوۆتىڭ كانديداتتىعىن ۇسىناتىنىن جەتكٸزگەن پارتييا حاتشىسى زاۋىتبەك تۇرىسبەكوۆتىڭ سٶزٸن كٶپشٸلٸك بٸراۋىزدان قولدادى. كٶپشٸلٸكتٸڭ قولداۋىنا ريزاشىلىق بٸلدٸرگەن وبلىس ەكٸمٸ اماندىق باتالوۆ:
– ەلٸمٸز تەۋەلسٸزدٸك العان العاشقى جىلداردا الماتى وبلىسىنىڭ بيۋدجەتٸ 11 ميلليارد بولاتىن. قازٸر ەلباسى ساياساتىنىڭ ارقاسىندا, ٷكٸمەت كٶمەگٸنٸڭ ارقاسىندا, وبلىس اكتيۆٸنٸڭ قولداۋىنىڭ ارقاسىندا, وسىندا وتىرعان بارلىق دەپارتامەنت, باسقارما, مەكەمە باسشىلارىنىڭ, كەسٸپكەرلٸك نىساندارىنىڭ تىنىمسىز ەڭبەگٸنٸڭ ارقاسىندا بيۋدجەتٸمٸز 400 ميلليارد تەڭگەدەن استى. مۇنداي كٶرسەتكٸش بۇرىن-سوڭدى بولماعان. بٸر عانا بٸلٸم سالاسىنىڭ بيۋدجەتٸ 140 ميلليارد تەڭگەدەن اسىپ وتىر. بۇل كەيبٸر وبلىستاردىڭ بيۋدجەتٸمەن پارا-پار. سوندىقتان كٶرسەتكٸشتەرٸمٸز جامان ەمەس. قۇرمەتتٸ كونفەرەنتسيياعا قاتىسۋشىلار, «نۇر وتان» پارتيياسىنىڭ مٷشەلەرٸ, سٸزدەر بٸلدٸرگەن سەنٸم ٷدەسٸنەن شىعۋعا ۋەدە ەتەمٸن! – دەپ سٶزٸن تٷيٸندەدٸ.
بۇدان سوڭ جاڭادان قۇرىلعان ساياسي كەڭەستٸڭ اشىق وتىرىسىندا «نۇر وتان» پارتيياسى جارعىسىنىڭ 9-4 تارماعىنا سەيكەس ساياسي كەڭەس بيۋروسىنىڭ 13 مٷشەسٸن ساياسي كەڭەس مٷشەلەرٸ بٸراۋىزدان داۋىس بەرٸپ, سايلادى. ساياسي كەڭەس بيۋروسىنىڭ قۇرامىن «نۇر وتان» پارتيياسى وبلىستىق فيليالى تٶراعاسىنىڭ بٸرٸنشٸ ورىنباسارى عالياسقار سارىباەۆ تانىستىردى. وبلىستىق فيليال ساياسي كەڭەسٸنٸڭ, باقىلاۋ-تەكسەرۋ كوميسسيياسىنىڭ, ساياسي كەڭەس بيۋروسىنىڭ جاڭادان سايلانعان مٷشەلەرٸن قۇتتىقتاعان پرەزيديۋم تٶراعاسى القالى جيىندى اياقتادى.
ەل سەنٸمٸن نىعايتتى
بوتا ەلەۋسٸزوۆا,
تٷرگەن باستاۋىش پارتييا ۇيىمىنىڭ تٶرايىمى:
– «نۇر وتان» پارتيياسى قازاقستاندىق كٶشباسشى پارتييا عانا ەمەس, ەلەمدٸك دەڭگەيدە دە باعىت-باعدارى ايقىن جەنە دامۋ بارىسى دارالانعان بيٸكتٸگٸمەن باعالى بولىپ وتىر. قازٸرگٸ تاڭدا پارتيياعا دەگەن ەل سەنٸمٸ نىعايىپ, حالىقتىڭ قولداۋىنا يە بولۋى – پارتييا باعدارلامالارىنىڭ ناقتى, ماقساتتارىنىڭ ايقىن ەكەندٸگٸنە دەلەل. بولاشاعى جارقىن پارتييانىڭ بٸزدٸڭ ايماقتاعى قادامى دا تىڭ سەرپٸلٸسپەن, جاڭا تىنىسپەن العا باستاپ كەلەدٸ. 35 مٷشەمەن قۇرىلعان تٷرگەن باستاۋىش پارتييا ۇيىمى بيىلعى جىلى پارتييا مٷشەلەرٸنٸڭ قاتارىن 607-گە جەتكٸزدٸ. پارتييانىڭ بەلسەندٸ, بەدەلدٸ مٷشەلەرٸ وكرۋگ اۋماعىنا مەملەكەتتەن بٶلٸنگەن قاراجاتتىڭ ماقساتتى جۇمسالۋىنا قوعامدىق باقىلاۋ جٷرگٸزەدٸ. جەرگٸلٸكتٸ قاۋىمداستىقتىڭ 63 ٶكٸلٸنٸڭ 50-ٸ «نۇر وتان» پارتيياسى مٷشەلەرٸ.
قاي كەزەڭدە بولسىن ەل دامۋىنىڭ نەگٸزگٸ شارتى – ەڭبەك. ال ەلدٸڭ ٶركەندەۋٸ – ەر ازاماتتىڭ ەڭبەكقورلىعىنا بايلانىستى. بۇل ورايدا, ٶزٸم تۋىپ-ٶسكەن, بٷگٸندە تىنىس-تٸرشٸلٸگٸنە تٸرەۋ بولىپ, باسقارىپ كەلە جاتقان تٷرگەن وكرۋگٸندە ورىن العان وڭ ٶزگەرٸستەر از ەمەس. اۋىلدا ەربٸر ەڭبەككە جارامدى ازامات ٶز بويىنداعى قابٸلەت-قارىمىنا قاراي جۇمىس جاساپ, ٶزٸنٸڭ دە, ەلدٸڭ دە تۇرمىسىن جاڭعىرتۋعا اتسالىسۋدا. جىل باسىنان 14 ورتا جەنە شاعىن كەسٸپكەرلٸك نىسانى ٸسكە قوسىلىپ, 69 تۇراقتى, 300 ماۋسىمدىق جۇمىس ورنى اشىلدى. 18 جاس مامان تۇراقتى جۇمىسپەن قامتىلدى.
مەكتەپ بٸتٸرۋشٸ 64 تٷلەكتٸڭ 46-ى جوعارى, 12- ٸ ارناۋلى ورتا وقۋ ورىندارىنا تٷسٸپ, 4-ٸ جۇمىسقا ورنالاستىرىلدى. باستاۋىش پارتييا ۇيىمى باستاماسىمەن 4 ايدىڭ ٸشٸندە مٷگەدەك, اتا-اناسىنان بٸردەي ايىرىلعان تۇل جەتٸم ارىستان مەن اقەركەگە اسارلاپ تۇرعىن ٷي قۇرىلىسىن باستاپ, بيىلعى جىلى شاتىرىن جاپتىق. كەلەر جىلى قونىستويىن اتاپ ٶتۋدٸ جوسپارلاپ وتىرمىز.
«كەدەرگٸسٸز كەلەشەك» جوباسىنىڭ نەتيجەسٸن ەربٸر مٷمكٸندٸگٸ شەكتەۋلٸ جاندار سەزٸنۋدە. دەگەنمەن, نەسيە بەرۋدە كەيبٸر قارجىلاندىرۋ قورلارى مەن بانكتەردٸڭ ٸشكٸ قۇجاتتارىندا «مٷمكٸندٸگٸ شەكتەۋلٸ ازاماتتارعا نەسيە بەرٸلمەسٸن» دەگەن تالاپتار كەدەرگٸ بولۋدا, سوندىقتان وسى قاراما-قايشىلىق جان-جاقتى قارالىپ, وڭ شەشٸمٸن تاپسا دەگەن ۇسىنىسىم بار.
ىنتىماقتى ەلدٸڭ ىرىسى مول
قانات قوجابەكوۆ,
«نۇر وتان» پارتيياسى دەپۋتاتتىق فراكتسيياسىنىڭ كٶلٸك-لوگيستيكا ينفراقۇرىلىمىن دامىتۋ مەسەلەلەرٸ بويىنشا كوميسسييانىڭ تٶراعاسى, وبلىستىق مەسليحات دەپۋتاتى:
– قازاق حالقىندا «ىنتىماقتى ەلدٸڭ – ىرىسى مول» دەگەن دانالىق بار. بٸز بٷگٸندە تاريحى بٸتە قايناسقان, تاعدىرى ورتاق تۇتاس حالىقپىز. تٸرلٸگٸ جاراسقان, بٸرلٸگٸ باق اشقان ەلمٸز! ەرينە ىنتىماقتى ۇران, تاتۋلىقتى تۋ ەتە بٸلگەن حالقىمىزدىڭ كەڭدٸگٸمەن «بٸر جاعادان باس, بٸر جەڭنەن قول» شىعارا, قيمىل قوسىپ كەلە جاتقان سٸزدەردٸڭ ەڭبەكتەرٸڭٸز ەرەن دەپ بٸلەمٸن, قۇرمەتتٸ «نۇروتاندىقتار!». بٷگٸندە باعىتى ايقىن, جوسپارى ناقتى, ماقساتى بيٸك مەملەكەتتٸڭ بولاشاققا باستار ەربٸر قادامى قارىشتى بولارى حاق. «نۇرلى جول» باعدارلاماسىنىڭ جٷزەگە اسۋى ەل ەكونوميكاسى مەن حالىقتى جۇمىسپەن قامتۋ مەسەلەسٸنە ايتارلىقتاي وڭ ەسەرٸن تيگٸزۋدە.
قر پرەزيدەنتٸ, «نۇر وتان» پارتيياسىنىڭ تٶراعاسى نۇرسۇلتان ەبٸشۇلى نازارباەۆ «نۇرلى جول» باعدارلاماسىنىڭ ٶمٸرشەڭ, نەتيجەلٸ بولۋىن «نۇر وتان» پارتيياسىنا تاپسىرعانى بارشاڭىزعا ايان. شىن مەنٸندەگٸ حالىق پارتيياسى سول حالىق ٷشٸن جاسالعان باعدارلامانىڭ جٷزەگە اسۋىنا جاۋاپتى بولۋى زاڭدىلىق. ٶتكەن جىلى وسى ماقساتتا مەسليحاتتارداعى پارتييا فراكتسيياسى جانىنان باعدارلامانىڭ 5 نەگٸزگٸ باعىتى بويىنشا كوميسسييا قۇرىلدى. وبلىس بويىنشا تۇراقتى 4 كوميسسييا جۇمىس ٸستەيدٸ. شامامەن 73 نىسان باقىلاۋعا الىنعان. بۇل جۇمىستى جەرگٸلٸكتٸ جەرلەردەگٸ پارتييا فراكتسيياسىنىڭ ەر دەڭگەيدەگٸ دەپۋتاتتارى مەن باستاۋىش پارتييا ۇيىمدارىنىڭ ٶكٸلدەرٸ جٷرگٸزەدٸ. «كٶلٸك-لوگيستيكا ينفراقۇرىلىمىن دامىتۋ» كوميسسيياسى «نۇرلى جول» باعدارلاماسى بويىنشا سالىنىپ جاتقان ستراتەگييالىق ماڭىزدى نىسانداردى ۇدايى باقىلاپ, بٶلٸنگەن قارجىنىڭ ۋاقىتىلى جەنە ساپالى يگەرٸلۋٸن نازاردا ۇستاپ كەلەدٸ. الماتى – ٶسكەمەن تاسجولىنىڭ 235–259 كم.-دەگٸ ۋچاسكەسٸن رەكونسترۋكتسييالاۋ جۇمىستارى, باتىس ەۋروپا – باتىس قىتاي الماتى – قورعاس اۆتوموبيل جولدارى قۇرىلىسى, شۋ – الماتى 1 ۋچاسكەسٸنٸڭ ەكٸنشٸ قۇرىلىس جوباسى بويىنشا ۇزىندىعى 110,7 شاقىرىم تەمٸرجولدىڭ جاسالىپ جاتقان جۇمىستارى, سونىمەن قاتار, جاركەنت ٶڭٸرٸندەگٸ سالىنىپ جاتقان ەلٸمٸزدەگٸ ەڭ ٷلكەن «قورعاس – شىعىس قاقپاسى» ارنايى ەكونوميكالىق ايلاعى لوگيستيكالىق ينفراقۇرىلىمنىڭ قۇرىلىس جۇمىستارى بٸزدٸڭ ارنايى باقىلاۋىمىزدا.
دەنٸ ساۋدىڭ تەنٸ ساۋ
كارينا گوريچەۆا,
ريو-دە-جانەيرو وليمپياداسىنىڭ قولا جٷلدەگەرٸ:
– مەن ٷشٸن مىنانداي بيٸك مٸنبەردەن سٶز سٶيلەۋ ٷلكەن مەرتەبە. سول ٷشٸن سٸزدەرگە راحمەت ايتۋعا رۇقسات ەتٸڭٸزدەر, «نۇر وتان» پارتيياسى مٷشەلەرٸ. تەۋەلسٸزدٸك العالى بەرٸ ەلٸمٸز ەڭ بٸرٸنشٸ ادامنىڭ دەنساۋلىعىن ساقتاۋعا باسىمدىق بەرٸپ كەلە جاتقانىن جاقسى بٸلەمٸز. دەنٸ ساۋ ادامنىڭ تەنٸنٸڭ ساۋلىعىن ساقتاۋداعى ەڭ باستى كٶمەكشٸسٸ دەنە شىنىقتىرۋمەن جەنە سپورتپەن اينالىسۋ ەكەندٸگٸ بەلگٸلٸ. سول سەبەپتٸ دە «نۇر وتان» پارتيياسى بولاشاق ۇرپاقتىڭ دەنساۋلىعىن ساقتاۋداعى باستى شارتتاردىڭ بٸرٸ رەتٸندە سپورتتى دامىتۋ مەسەلەلەرٸنە باسا نازار اۋدارىپ كەلەدٸ.
سوندىقتان دا بۇل سالانىڭ دامۋى مەملەكەتتٸڭ باستى مٸندەتٸنە اينالىپ وتىر. بٸزدٸڭ وبلىستا بٸر جارىم ميلليونعا جۋىق جەتٸسۋلىق دەنە شىنىقتىرۋمەن جەنە سپورتپەن اينالىسادى. بۇل بٸزدٸڭ ٶڭٸردٸڭ شيرەگٸنەن استامىنا تەڭ كٶرسەتكٸش. وبلىستا سپورتپەن اينالىسۋعا قاجەتتٸ بارلىق مٷمكٸندٸك قاراستىرىلىپ, سپورتتىق كەشەندەر اشىلۋدا, جاڭا نىساندار سالىنىپ, سپورتتىق ويىندارعا قوماقتى قارجى بٶلٸنۋدە. وسىنداي جاناشىرلىق ٶز نەتيجەسٸن بەرۋدە. بۇعان بٸزدٸڭ سپورتشىلاردىڭ حالىقارالىق بٸرٸنشٸلٸكتەردەن جٷلدەمەن ورالۋى دەلەل. تەۋەلسٸزدٸك جىلدارىندا ونداعان سپورتشى وليمپيادا ويىندارىنىڭ التىن مەدالٸن يەلەنسە, ودان ەكٸ ەسە كٶپ سپورتشى ەلەم چەمپيوندىعى جەنە قۇرلىق بٸرٸنشٸلٸكتەرٸنەن جٷلدە ولجالادى. سونىڭ بٸرٸ رەتٸندە بيىل ريو-دە-جانەيرو قالاسىندا ٶتكەن 2016 جىلعى وليمپيادا ويىندارىن اتاي الامىن. حالىقارالىق بٸرٸنشٸلٸكتەن بٸزدٸڭ سپورتشىلار ەرتٷرلٸ دەڭگەيدەگٸ 18 مەدال ەنشٸلەدٸ. سولاردىڭ قاتارىندا اۋىر اتلەتيكادان العان مەنٸڭ دە قولا مەدالٸم بار. مەملەكەتٸمٸز بەن پرەزيدەنتٸمٸز, جەڭٸس جولىندا بٸزدەرگە قۋات بەرگەن ميلليونداعان جانكٷيەر, جاتتىقتىرۋشىلار مەن سپورتتاعى دارىندى بالالارعا ارنالعان مەكتەپ-ينتەرناتتاعى ۇستازدارىم كٶرسەتكەن قولداۋ بولماعاندا مۇنداي جەتٸستٸككە جەتەر مە ەدٸك, جەتپەس پە ەدٸك?! جەتٸستٸكتٸڭ بەرٸ دە, ەڭ الدىمەن, جاراتقان قۇدايدىڭ, سودان كەيٸن سٸزدەردٸڭ كٶرسەتكەن سەنٸمدەرٸڭٸزدٸڭ ارقاسىندا. ەندەشە ەربٸر سپورتشىنىڭ باستى ارمانى – حالقىنىڭ سەنٸمٸن اقتاۋ جەنە جەڭٸس مٸنبەرٸنە مەملەكەتتٸك تۋ كٶتەرٸلگەندە شىرقالعان گيمننٸڭ استىندا باستى تٸك ۇستاپ, كٶكٸرەكتٸ كەرنەگەن قۋانىشقا مارقايۋ. چەمپيوننىڭ باستى قاسيەتتەرٸنە – كٷش, ەرٸك, رۋح, پاتريوتيزم, ەرلٸك جاتادى. سٸزدەر باردا بۇدان دا بيٸك ماقساتتارعا قول جەتكٸزٸپ, قازاقستان رەسپۋبليكاسىنىڭ كٶك بايراعىن جەلبٸرەتەمٸز.
مەدي الجانباي
دەرەككٶزٸ: "جەتٸسۋ" گازەتٸ
