Kadrlarǵa sáikes, oqiǵa Túrkistan oblysy Jetisaida bolǵan. Jarysqa Audi, Hyundai Accent, Toyota Land Cruiser jáne Toyota Land Cruiser Prado siiaqty kólikter, sondai-aq Toyota Camry kóliginiń birneshe modeli qatysqan. Alaida olardyń barlyǵynda Almaty oblysynyń nómirleri bolǵan. Jarysqa qatysýshylar úilený toiyna qonaqqa kelip, zańsyzdyq uiymdastyrǵan.
Eskerińiz! Videoda beiádep sózder bar!
Túrkistan oblysynyń politseileri jarysqa qatysqan júrgizýshilerdiń birin anyqtap, ustaǵanyn málimdedi. Ol Audi kóligin júrgizgen Jetisai turǵyny bolyp shyqty. Oǵan ÁQBtK-niń 596-baby 5-bóligi "Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵidalaryn buzý" boiynsha hattama toltyrylǵan. Onyń kóligi aiyppul turaǵyna qoiylǵan.
"Qyzmetkerlerimiz túrli quqyqbuzýshylyqtardyń aldyn alý maqsatynda joldardy únemi tekseredi. Sondai-aq, áleýmettik jelilerdi de únemi qadaǵalap otyrady. Kezekti tekseris barysynda Jetisai aýdanynyń politseileri qala kósheleriniń birinde ózgelerdi basyp ozǵan birneshe kólikti baiqaǵan. Tártip saqshylary dereý áreket etip, jedel sharalar qabyldady", - dedi oblystyq Politsiia departamentiniń baspasóz qyzmeti ókili.
Sondai-aq, politseiler bul jarystyń basqa da qatysýshylaryn anyqtady, olar jyldamdyqty asyrǵan. Bul kólikter Almatyda tirkelgen jáne ońtústik megapolis turǵyndaryna tiesili bolyp shyqty.
"Qazir Jetisai politseileri olardy zań aiasynda jaýapkershilikke tartý boiynsha jumystar júrgizip jatyr. Túrkistan oblysynyń politseileri avtokólik ielerin jol júrý erejelerin saqtaýǵa shaqyrady. Óitkeni zań buzý saldarynan júrgizýshi kýáliginen aiyrýǵa, qamaýǵa nemese qylmystyq jaýapkershilikke tartylýy, sondai-aq, bul júrgizýshiler men jolaýshylardyń ómiri men densaýlyǵyna qaýip tóndirýi múmkin", - dep tolyqtyrdy óńirlik Politsiia departamenti ókili.
