Túrkistan oblysy Jetisai aýdanyndaǵy maqta alqaptarynda jiyn-terim jumystary qyzý júrip jatyr. Qazirgi tańda diqandardyń qoimasyna 115 myń tonna maqta jinaldy, dep habarlaidy "Ult aqparat".
Óńirlik kommýnikatsiialar ortalyǵynyń málimetinshe, aq altynnyń ónimdiligi gektaryna 23,6 tsentnerden túsip otyr. Sharýalar birinshi terim jumystaryn birneshe kúnde tolyǵymen aiaqtaidy.
Aýdanda biyl 48 943 gektar aýmaqqa maqta dáni sebilgen. Jetisai aýdanynda maqta túsimdiligi jaǵynan Atameken aýyl okrýgi kósh bastap keledi.
Ondaǵy sharýalar maqtanyń ár gektarynan ortasha eseppen 27,6 tsentnerden ónim alsa, Eraliev aýyl okrýginde 26,8 tsentnerlik túsimmen úzdik úshtiktiń qatarynan kóringen.
Al, Abai aýyl okrýginiń maqtashylary 26,5 tsentnerlik ónimdilik kórsetkishine qol jetkizdi.
Búgingi tańda Atameken aýyl okrýginiń maqtashylary - 14 myń 769 tonna, Jylysý aýyl okrýgi - 13 myń 783 tonna, Maqtaly aýyl okrýgi -12 myń 597 tonna maqta jinap úlgergen.
