Jetesovter jetistigi

Prezident Jarlyǵymen Qazaq­standa qyrkúiek aiynyń ekinshi jek­senbisi «Otbasy kúni» bolyp belgi­lendi. Osyǵan bailanysty S.Báiishev atyn­daǵy Aqtóbe oblystyq ámbe­bap ǵylymi kitaphanasynyń uiymdas­tyrýymen qalamyzdaǵy kóp balaly jáne ónerli otbasylardyń biri – Je­te­sovterdiń qatysýymen «Jan jylýyn balalaryna arnaǵan» atty benefis-suhbat ótkizildi.

Sharanyń maqsaty, oqyrman qa­ýym­ǵa otbasy kúni týraly máli­met berý. Balany kishkentai kezderinen mýzykaǵa baýlyp júr­gen ónerli Je­tesovter áýletiniń shy­ǵar­ma­shy­lyǵyn nasihattaý. Sondai-aq, jastardy otansúigishtikke, adam­ger­shilikke, ata-anany qurmetteýge jáne qadirlei bilýge baýlý.

Benefis-suhbatqa mádeniet sala­synyń qyzmetkerleri, qalamyzdaǵy joǵary jáne arnaýly orta oqý oryn­darynyń oqytýshylary men stýdent­teri, «Nur Otan» partiiasynyń oblys­tyq filialynyń ókilderi, №35,37 jáne Qazanǵap atyndaǵy balalar óner mektebiniń muǵalimderi, oblystyq «Aqtóbe», «Aktiýbinskii vestnik» ga­zetteriniń ókilderi qatysty.

Shara barysynda «Shattyǵymen shýaq shashqan shańyraq» taqyrybynda slaid kórsetildi.

Jalpy, Aqtóbe óńirine ǵana emes, respýblikaǵa tanymal, «Áiel ba­qyty», «Aitýǵa ońai» telebaǵ­dar­lamalaryna qatysyp, halyqqa ónegeli ómiri men ónerleri arqyly tanylyp júrgen Jetesovter ózderiniń áýleti jaiynda «Berekeli otbasy» taqyrybynda áńgimelep berdi. Úlken áýlettiń otaǵasy, «Shashý» halyqtyq ansambliniń jetekshisi Ómirhan Narimanuly: «Qazirgi tańda jeke shyǵarmashylyqpen ainalysamyn jáne ózim jastaiymnan jetimdik kórdim, júregi jumsaq, jany jaidary Amankúldei janǵa jolyqtyrǵan ómirge rizamyn, bolashaqta osy ul-qyzdarymdy úlken sahnada kórsem dep armandaimyn», – dedi.

Keshtiń alǵy sózin alǵan Aqtóbe oblysynyń mádeniet, muraǵattar jáne qujattama basqarmasynyń bas mamany G.Mahanova: «14 bala tárbielep, olardy ónerge baýlyp, ansambl uiymdastyryp halyq aldyna shyǵarýlaryńyzdyń ózi – otbasylyq qundylyq deýge bolady», – dep rizashylyǵyn bildirdi.

Sharanyń jalǵasy «Shashý» ha­lyqtyq ansambliniń oryndaýynda «Átteń, tonnyń keltesi-ai», «Óz elim», «Aqtamaq» ánderi men «Shal­qy­­­ma» kúii, «Mahambettiń termesi» sekil­­di ádemi áýenderge ulasyp, kórer­­­men qaýym balalardyń ónerin tama­­shalady.

Óner jolyna qanat qaqqan osy otbasynyń úlken balalarynyń biri 21 jastaǵy Aigúl kolledjde oqysa, odan keiingileri mektep jasyndaǵylary qazirgi tańda Qazanǵap atyndaǵy óner mektebiniń baian jáne qobyz klasynyń oqýshylary. Eń kishkentaiy Álihan 4 jasta.

«Jetesovter áýletiniń basty ereksheligi – ómirde de, ónerde de birge júrip, balalaryn tárbielep, halyqtyń kózaiymyna ainalǵany. Balalardyń bolashaqta ata-ananyń úmitin aqtar, elin súier sanaly azamat bolýlaryna senim bildiremin», – dep, S.Báiishev atyndaǵy oblystyq ámbebap ǵylymi kitaphanasynyń direktory Nesibeli Saǵymbaiqyzy kesh qonaqtaryna rahmetin aityp, estelik syilyqtar tartý etip, alǵys hatpen marapattady.

Aqerke SAǴIDOLLAQYZY

AQTÓBE