Maqsatty aǵymdaǵy transfertterdiń negizgi kólemi áleýmettik salaǵa tiesili. Bul týraly Senattaǵy Úkimet saǵatynda QR Ulttyq ekonomika ministri Álibek Qýantyrov aitty, dep habarlaidy QazAqparat tilshisi.
«2020 jyldan bastap shaǵyn jáne orta biznesten korporativti tabys salyǵy jergilikti biýdjetke birildi. Osy kezeńde ekonomikalyq belsendilik tómendegenine qaramastan, jergilikti biýdjetterge túsimder 25 paiyzǵa artty. Bul óz kezeginde ákimderdiń jergilikti biznestiń damýyna, investitsiialardyń artýy men salyq bazasynyń keńeitilýine múddeli ekenin bildiredi», - dedi Á. Qýantyrov biýdjetaralyq qatynastardy jetildirý taqyrybyndaǵy Úkimet saǵatynda.
Onyń paiymynsha, bul fakti jergilikti atqarýshy organdardyń shaǵyn jáne orta biznestiń damýy men olardyń «kóleńkeli» ainalymnan shyǵýyna qyzyǵýshylyq tanytýyna bailanysty.
Budan buryn habarlanǵandai, Álibek Qýantyrov maqsatty aǵymdaǵy transfertterdiń negizgi kólemi áleýmettik salaǵa tiesili ekenin aitty.
Sońǵy úsh jylda jergilikti atqarýshy organdardyń boljamǵa qaraǵanda jeke kirister boiynsha asyra oryndaý kólemi 117 paiyzdy qurap, olardyń damý biýdjeti 106 paiyzǵa ósti. Ortalyqqa táýeldilik 2019 jyldaǵy 59 paiyzdan 2021 jyly 56 paiyzǵa deiin qysqardy.
