Úkimet basshysy Asqar Mamin búgin QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysynda óńirlerdiń ákimdikterine birqatar tapsyrma berdi, dep habarlaidy "Ult aqparat".
Úkimet basshysy atalǵan otyrysta óńirlerdiń ákimdikterine myna máselelerdi pysyqtaýdy tapsyrdy:
- meditsinalyq uiymdar bazasynda qosymsha zerthanalar ashý arqyly halyqty PTR-testileýmen qamtýdy keńeitý;
- aýrýhanalarda infektsiialyq jáne provizorlyq oryndar sanyn kóbeitý;
- menshik nysanyna qaramastan, óńirde bar resýrstardy tarta otyryp, naýqastardy KT-zertteýmen qamtamasyz etý;
- jedel meditsinalyq járdem stantsiialarynyń shuǵyl jáne kezek kúttirmeitin shaqyrýlarǵa ýaqytyly qyzmet kórsetýin qamtamasyz etý;
- úilerinde jatqan patsientterge ambýlatorlyq-emhanalyq kómek deńgeiinde sapaly dinamikalyq baqylaý jasaý (qashyqtan, mobildi brigadalardyń kómegimen);
- halyqqa belsendi aqparattyq-túsindirý jumystaryn júrgizý.
Eske salsaq, QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysy ótti. QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq jaǵdaidy turaqtandyrý boiynsha qosymsha sharalar qaralǵan bolatyn.
Keshe Prezident Qasym-Jomart ToqaevÚkimet epidemiologiialyq jaǵdaidy turaqtandyrý sharalaryn jariialaidy degen edi.
