Zańnama aiasynda jerimizdi sheteldikterge satýǵa da, jalǵa berýge de tolyqtai tyiym salynady. Bul týraly Parlament Májilisiniń tóraǵasy Nurlan Nyǵmatýlin málim etti, dep habarlaidy "Ult aqparat".
«Búgingi maquldanyp otyrǵan jer qatynastary týraly zań jobasynyń Qazaqstan qoǵamynda mańyzy da, orny da erekshe. Sebebi, Memleket basshysy Qasym-Jomart Kemeluly Toqaevtyń tapsyrmasymen ázirlengen osy qujattyń nátijesinde halqymyzdyń nazarynda júrgen suraq boiynsha naqty sheshim qabyldandy. Endi jerimizdi sheteldikterge satýǵa da, jalǵa berýge de tolyqtai tyiym salynady», - dedi N. Nyǵmatýlin Májilistiń jalpy otyrysynda.
Budan buryn habarlanǵandai, búgin Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrý engizý týraly» zań jobasy birinshi oqylymda maquldandy.
Zań jobasymen aýyl sharýashylyǵy jerlerin sheteldikterge jáne sheteldik kompaniialarǵa, sheteldik úlesi bar qazaqstandyq kompaniialarǵa, azamattyǵy joq adamdarǵa, halyqaralyq qatysýy bar ǵylymi ortalyqtarǵa berýge tolyq tyiym salý kózdelgen.
