Óskemen qalasy Ortalyq mádeniet úiinde «Ádiletti ári Progressivti Qazaqstannyń Halyqtyq Konstitýtsiiasy úshin!» jalpyulttyq koalitsiiasy músheleri Shyǵys Qazaqstan oblysynyń shaǵyn jáne orta biznes pen agroónerkásip kesheni ókilderimen kezdesti. Delegatsiiany Qazaqstan Respýblikasy Premer-ministriniń orynbasary – Mádeniet jáne aqparat ministri Aida Balaeva basqardy. Jiynǵa QR Parlamenti Májilisiniń depýtaty Ulyqbek Tumashinov pen Sergei Ponomarev, Óskemen qalasy boiynsha koalitsiia tóraǵasynyń orynbasary Sergei Korotin, QR Kásipodaqtar federatsiiasynyń tóraǵasy Satybaldy Dáýletalin qatysty.
Kezdesý barysynda QR Premer-ministriniń orynbasary – Mádeniet jáne aqparat ministri Aida Balaeva turaqty quqyqtyq ortany qurýdyń mańyzyn atap ótti. Sondai-aq jańa Konstitýtsiia jobasynyń investitsiialardy qorǵaýdy kúsheitýge, sot júiesine senim arttyrýǵa jáne turaqty ekonomikalyq damýǵa jaǵdai jasaýǵa baǵyttalǵanyn aitty.
«Kásipker oiyn erejeleriniń kenetten ózgermeitinine, investitsiialarynyń qorǵalatynyna, sot júiesiniń daýlardy ádil ári ashyq sheshetinine senimdi bolýy qajet. Tek osyndai jaǵdaida ǵana uzaqmerzimdi strategiialar jasalyp, jańa jumys oryndary ashylady, óndiris damidy. Sondyqtan 15 naýryzdaǵy referendým – osy qaǵidalardy konstitýtsiialyq deńgeide bekitetin tarihi múmkindik. Jańa Konstitýtsiia jobasynda menshik quqyǵyn qorǵaý kepildikteri kúsheiip, zańdardyń kúshi keri qoldanylýyna tyiym salynady, memlekettik basqarýdyń aiqyn ári jaýapty júiesi qalyptasady. Bul kásipkerlik úshin táýekelderdi azaitsa, el úshin turaqtylyqty nyǵaitady, ár azamat úshin bolashaqqa senimdilik beredi», – dep atap ótti Aida Balaeva.
Úkimet basshysynyń orynbasary «Zań jáne tártip» qaǵidaty shynaiy básekelestikti qalyptastyrýǵa yqpal etetinin de sóz etti.
«Zań jáne tártip» qaǵidaty adal básekelestik ortasyn qurmaq, onda zańdy biznes qorǵalya, al jasyryn áreketter áshkerelenedi. Ádl erejeler – kásipkerdiń basty serigi. Memleket basshysy «eńbek adamynyń» mańyzyn beker atap ótpedi. Kásipkerlermen sharýalar – táýekelge bel býyp, jumys oryndaryn ashyp, halyqty jumyspen qamtityn, eldiń ekonomikalyq kúshin qalyptastyratyn adamdar. Jańa Konstitýtsiia ekonomikalyq bastamany qoldaýǵa jáne sonymen birge zańǵa, qoǵamǵa, keleshek urpaqqa degen jaýapkershilikti kúsheitýge baǵyttalǵan. Qýatty ekonomikany qýatty memleketsiz qurý múmkin emes. Al qýatty memlekette senim, ádildik jáne eńbekke qurmet basty qundylyqtar bolyp sanalady. Búginde Qazaqstannyń bolashaǵy – turaqty, básekege qabiletti jáne óz kúshine senimdi el bolatyny bizge bailanysty», – dedi Aida Balaeva.
Sonymen qatar, kezdesýde reformanyń tájiribelik jaǵy da sóz boldy.
«Kóp jyldar boiy aýyl sharýashylyǵy «qaýipti» sanaldy Biz qurǵaqshylyqpen, baǵamen jáne biýrokratiiamen kúrestik. Endi eldiń Ata zańy halyqqa azyq beretin adamdardyń múddelerin basty orynǵa qoiady. Konstitýtsiiada jer men resýrstardyń halyqqa tiesili ekeni anyq kórsetilgen. Sharýalar úshin bul memleket jerlerdi qorǵaýǵa, Jaiylymdardy tozýdan qorǵaý, sýarý júielerin qalpyna keltirý jáne shóleittenýge qarsy kúresý máseleleri de qamtylǵan. Sondai-aq zańdardy ótken kúnmen qoldanýǵa tyiym salý normasynyń bekitilýi de óte mańyzdy. Bul – tehnikaǵa nesie alǵan kezde nemese infraqurylym salǵanda erteń zańdar ózgerip, qabyldanǵan sheshimder qaita qaralyp ketpeitinine kepil bolatyn quqyqtyq qorǵanymyz. 15 naýryzda biz ujym bolyp eldiń jańa bolashaǵyna baǵyttalǵan osy bastamany qoldaimyz», – dedi Liýdmila Tsybenko.
Kezdesýde qatysýshylar ekonomikalyq jáne salalyq máselelermen qatar, reformalardyń qundylyqtaryna da toqtaldy. Atap aitsaq, jaýapkershilikke shaqyrý, azamattyq qatysýdyń deńgeiin arttyrý jáne ony qurý mádenieti talqylandy «SAMGA» damytý ortalyǵynyń jetekshisi Áliia Kóńilhan el úshin tek ekonomikalyq damý emes, sonymen birge adamgershilik qundylyqtar, berik otbasy jáne bolashaqqa degen jaýapkershilik mańyzdy ekenin atap ótti. «NIETWOMAN» QQ tóraiymy Altynai Tóleýhan referendým memleket qundylyqtaryn onjyldyqtarǵa aiqyndaitynyn, al ádil erejeler senim, investitsiia men damý úshin, ásirese áleýmettik ekonomika men áielder kásipkerliginde mańyzdy ról atqaratynyn málimdedi.
Kezdesý sońynda ShQO-nyń shaǵyn jáne orta biznesi men agroónerkásip kesheniniń ókilderi konstitýtsiialyq ózgerister turaqtylyqqa kepildik berý, zańdy quqyqtardy qorǵaý, óndiristi jańǵyrtý jáne óńirlerdiń turaqty damýyna jaǵdai jasaýǵa jol ashatynyn atap ótti.
