- Búgin Parlament Senatynyń jalpy otyrysynda palata depýtattary «Qazaqstan Respýblikasy Jer kodeksiniń jekelegen normalarynyń qoldanysyn jáne «Qazaqstan Respýblikasynyń Jer kodeksine ózgerister men tolyqtyrýlar engizý týraly 2015 jylǵy 2 qarashadaǵy Qazaqstan Respýblikasy Zańynyń qoldanysqa engizilýin toqtata turý týraly» QR Zańyna ózgerister engizý týraly» zań jobasyn maquldady, dep habarlaidy Ult.kz tilshisi QazAqparat agenttigine silteme jasap.
«Jer salasynda týyndaǵan suraqtarǵa bailanysty kezinde osy máseleni qaraý úshin, qoǵamda týyndaǵan pikirlerdi eskere otyryp, arnaiy Jer týraly komissiia qurylǵan bolatyn. Osy komissiia óz jumysy barysynda kúntártibindegi taqyryptardy qaraý barysynda aýyl sharýashylyǵy maqsatyndaǵy jerlerdi qazaqstandyqtarǵa jekemenshikke satý, sheteldikterge jalǵa berý máselelerin qamtydy», dep eske salyp ótti atalǵan zań jobasyn tanystyrǵan QR Premer-Ministriniń orynbasary - Aýyl sharýashylyǵy ministri Asqar Myrzahmetov.
Osy rette jer salasyndaǵy problemany jer komissiiasy qaraǵan kezde aýyl sharýashylyǵy salasyndaǵy jerlerdiń derekti qoryn jasaý, onyń ishinde aýyl sharýashylyǵy maqsatyndaǵy jerlerdiń kadastrlyq qunyn qaita qaraý máseleleri kóterilgen.
Esterińizge sala keteiik, osyǵan sáikes, jer komissiiasy Memleket basshysyna usynyspen shyqty. Ol usynys QR Prezidenti tarapynan qoldaý taýyp, arnaiy Jarlyqpen 2016 jyldyń 31 jeltoqsanynan 2021 jylǵy 31 jeltoqsanǵa deiin uzartylyp otyr.
«Sizderge engizilgen zań jobasynda osy bir ǵana máseleni kózdeidi, iaǵni moratorii merzimin bes jylǵa uzartýdy eskerip otyr», - dedi Myrzahmetov.
Aita keteiik, zań jobasy Memleket basshysynyń ústimizdegi jyldyń 18 tamyzynda qabyldaǵan Jarlyǵyna sáikes engizilip otyr. Jer reformasyna bailanysty qabyldanǵan keibir sheshimderdiń qoǵamdyq pikir týdyrýyna orai oryn alǵan problemalardy talqylai kele, moratorii jariialanǵan bolatyn. Oǵan orai ústimizdegi jyly 30 maýsymda tiisti Zań qabyldady. Sol Zańda moratoriidiń merzimi aǵymdaǵy jyldyń 31 jeltoqsanyna deiin dep belgilengen edi.
