- بٷگٸن پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسى جەر كودەكسٸنٸڭ جەكەلەگەن نورمالارىنىڭ قولدانىسىن جەنە «قازاقستان رەسپۋبليكاسىنىڭ جەر كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى 2015 جىلعى 2 قاراشاداعى قازاقستان رەسپۋبليكاسى زاڭىنىڭ قولدانىسقا ەنگٸزٸلۋٸن توقتاتا تۇرۋ تۋرالى» قر زاڭىنا ٶزگەرٸستەر ەنگٸزۋ تۋرالى» زاڭ جوباسىن ماقۇلدادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«جەر سالاسىندا تۋىنداعان سۇراقتارعا بايلانىستى كەزٸندە وسى مەسەلەنٸ قاراۋ ٷشٸن, قوعامدا تۋىنداعان پٸكٸرلەردٸ ەسكەرە وتىرىپ, ارنايى جەر تۋرالى كوميسسييا قۇرىلعان بولاتىن. وسى كوميسسييا ٶز جۇمىسى بارىسىندا كٷنتەرتٸبٸندەگٸ تاقىرىپتاردى قاراۋ بارىسىندا اۋىل شارۋاشىلىعى ماقساتىنداعى جەرلەردٸ قازاقستاندىقتارعا جەكەمەنشٸككە ساتۋ, شەتەلدٸكتەرگە جالعا بەرۋ مەسەلەلەرٸن قامتىدى», دەپ ەسكە سالىپ ٶتتٸ اتالعان زاڭ جوباسىن تانىستىرعان قر پرەمەر-مينيسترٸنٸڭ ورىنباسارى - اۋىل شارۋاشىلىعى مينيسترٸ اسقار مىرزاحمەتوۆ.
وسى رەتتە جەر سالاسىنداعى پروبلەمانى جەر كوميسسيياسى قاراعان كەزدە اۋىل شارۋاشىلىعى سالاسىنداعى جەرلەردٸڭ دەرەكتٸ قورىن جاساۋ, ونىڭ ٸشٸندە اۋىل شارۋاشىلىعى ماقساتىنداعى جەرلەردٸڭ كاداسترلىق قۇنىن قايتا قاراۋ مەسەلەلەرٸ كٶتەرٸلگەن.
ەستەرٸڭٸزگە سالا كەتەيٸك, وسىعان سەيكەس, جەر كوميسسيياسى مەملەكەت باسشىسىنا ۇسىنىسپەن شىقتى. ول ۇسىنىس قر پرەزيدەنتٸ تاراپىنان قولداۋ تاۋىپ, ارنايى جارلىقپەن 2016 جىلدىڭ 31 جەلتوقسانىنان 2021 جىلعى 31 جەلتوقسانعا دەيٸن ۇزارتىلىپ وتىر.
«سٸزدەرگە ەنگٸزٸلگەن زاڭ جوباسىندا وسى بٸر عانا مەسەلەنٸ كٶزدەيدٸ, ياعني موراتوريي مەرزٸمٸن بەس جىلعا ۇزارتۋدى ەسكەرٸپ وتىر», - دەدٸ مىرزاحمەتوۆ.
ايتا كەتەيٸك, زاڭ جوباسى مەملەكەت باسشىسىنىڭ ٷستٸمٸزدەگٸ جىلدىڭ 18 تامىزىندا قابىلداعان جارلىعىنا سەيكەس ەنگٸزٸلٸپ وتىر. جەر رەفورماسىنا بايلانىستى قابىلدانعان كەيبٸر شەشٸمدەردٸڭ قوعامدىق پٸكٸر تۋدىرۋىنا وراي ورىن العان پروبلەمالاردى تالقىلاي كەلە, موراتوريي جارييالانعان بولاتىن. وعان وراي ٷستٸمٸزدەگٸ جىلى 30 ماۋسىمدا تيٸستٸ زاڭ قابىلدادى. سول زاڭدا موراتورييدٸڭ مەرزٸمٸ اعىمداعى جىلدىڭ 31 جەلتوقسانىنا دەيٸن دەپ بەلگٸلەنگەن ەدٸ.
