Májilis depýtattary Jer kodeksiniń jekelegen normalarynyń qoldanysyn 2021 jyldyń 31 jeltoqsanyna deiin toqtata turýdy kózdeitin zań jobasyn maquldady, dep habarlaidy Baq.kz tilshisi.
Atalmysh zań jobasyn halyq qalaýlylaryna QR Premer-ministriniń orynbasary – QR Aýyl sharýashylyǵy ministri Asqar Myrhahmetov tanystyrdy.
«Sizderdiń talqylaýlaryńyzǵa usynylyp otyrǵan zań jobasy Memleket basshysynyń ústimizdegi jyldyń 18 tamyzynda qabyldaǵan Jarlyǵyna sáikes engizilip otyr. Ondaǵy maqsat kezinde Jer reformasyna bailanysty qabyldanǵan keibir sheshimder qoǵamnyń narazylyǵyn týdyrýyna bailanysty jáne odan týyndaǵan problemalardy qorytyndylai kele moratorii jariialandy. Osy jyldyń 30-shy maýsymynda tiisti zań qabyldandy. Sol zańda moratoriidiń merzimi keler jyldyń 31-shi jeltoqsanyna deiin belgilengen», - dedi basshy.
Asqar Myrzahmetovtyń aitýynsha, jer komissiiasynda bul máseleler mai shammen qaralǵandyǵyn aitty.
«Jer máselesine qatysty problemalardy Jer komissiiasy qaraǵan kezde komissiiasynyń sheshimine sáikes osy máselelerdi júieli túrde sheshý qaralǵan. Osyǵan sáikes birinshi kezekte aýyl sharýashylyǵy jerleriniń derekti qoryn jasaý qajettigin, qoldanystaǵy normalarǵa ózgerister engizý kerektigi, aýyl sharýashylyq jerleriniń kadastrlyq qunyn qaitadan qalyptastyrý qajettigi aitylǵan. Osyǵan sáikes Jer komissiiasy Elbasyǵa usynyspen shyqty. Ol QR Prezidenti tarapynan qoldaý tapty. Moratoriidiń merzimi 2016 jyldyń 31 jeltoqsanynan 2021 jyldyń 31 jeltoqsanyna deiin uzartylyp otyr. Sizderdiń nazarlaryńyzǵa usynylǵan zań jobasynda bir-aq qana másele qaralyp otyr», - dedi ministr.
Osydan keiin QR Parlametti Májisiliniń jalpy otyrysynda depýttatar zań jobasyna daýys berip, mańyzdy zań maquldandy.
.jpeg)