Álemde koronavirýsqa shaldyqqandardyń jalpy sany 77.95 million adamǵa jetti. Bul týraly TASS agenttigi habarlady.
Osylaisha, aýrý juqtyrǵandardyń úlesi ǵalamshardaǵy barlyq turǵynnyń 1 paiyzdan astamyn qurap otyr. BUU-nyń halyq sanaǵyn júrgizý qorynyń esepteýinshe, jyl ortasyndaǵy kórsetkish boiynsha álemde 7,795 mlrd adam ómir súredi.
Indet juqtyrǵandardyń eń kóp úlesi halyq sany az elderde tirkelgen. Osylaisha, Andorrada turǵyndardyń 9,9 paiyzy (7 633 adam), Liýksembýrgte – 7,3 paiyz (44 809 adam) virýs juqtyrǵan. Chernogoriiada koronavirýs turǵyndardyń kem degende 7,2 paiyzynan (44 542 adam), al AQSh-ta – 5,6 paiyzynan (18,2 mln astam adam) anyqtaldy. Reseide bul kórsetkish shamamen 1,9 paiyzdy (2,9 mln adam) qurap otyr.
Álemde koronavirýstyń taralýy báseńdemei tur. Infektsiia taralýynyń ekinshi tolqyny bastalǵan qyrkúiek aiynda álemde kún saiyn 300 myń adamnan KVI anyqtalyp turǵan. Qazan aiyna qarai bul kórsetkish táýligine 600 myńǵa deiin ósken. Dúniejúzilik densaýlyq saqtaý uiymynyń málimetinshe, 20 jeltoqsan kúni jańa rekord – bir táýlik ishinde aýrý juqtyrýdyń 800 myń deregi tirkelgen.
Sonymen birge, aýrý juqtyrǵandardyń jalpy sanynan qaitys bolǵandar úlesi tómendedi. «Birinshi tolqyn» kezinde bul kórsetkish 6-7 paiyzǵa jetken edi. Osylaisha, álemde virýs juqtyrýdyń 4 mln oqiǵasy tirkelgen 9 mamyr kúni aýrýǵa shaldyqqandardyń 6,92 paiyzy (276,8 myń adam) qaitys boldy. Koronavirýstan qaitys bolǵandardyń sany 1,7 mln adamnan asqan, bul aýrý juqtyrǵandardyń jalpy sanynyń 2,2 paiyzyn qurap otyr.
