ەلەمدە كوروناۆيرۋسقا شالدىققانداردىڭ جالپى سانى 77.95 ميلليون ادامعا جەتتٸ. بۇل تۋرالى تاسس اگەنتتٸگٸ حابارلادى.
وسىلايشا, اۋرۋ جۇقتىرعانداردىڭ ٷلەسٸ عالامشارداعى بارلىق تۇرعىننىڭ 1 پايىزدان استامىن قۇراپ وتىر. بۇۇ-نىڭ حالىق ساناعىن جٷرگٸزۋ قورىنىڭ ەسەپتەۋٸنشە, جىل ورتاسىنداعى كٶرسەتكٸش بويىنشا ەلەمدە 7,795 ملرد ادام ٶمٸر سٷرەدٸ.
ٸندەت جۇقتىرعانداردىڭ ەڭ كٶپ ٷلەسٸ حالىق سانى از ەلدەردە تٸركەلگەن. وسىلايشا, اندوررادا تۇرعىنداردىڭ 9,9 پايىزى (7 633 ادام), ليۋكسەمبۋرگتە – 7,3 پايىز (44 809 ادام) ۆيرۋس جۇقتىرعان. چەرنوگورييادا كوروناۆيرۋس تۇرعىنداردىڭ كەم دەگەندە 7,2 پايىزىنان (44 542 ادام), ال اقش-تا – 5,6 پايىزىنان (18,2 ملن استام ادام) انىقتالدى. رەسەيدە بۇل كٶرسەتكٸش شامامەن 1,9 پايىزدى (2,9 ملن ادام) قۇراپ وتىر.
ەلەمدە كوروناۆيرۋستىڭ تارالۋى بەسەڭدەمەي تۇر. ينفەكتسييا تارالۋىنىڭ ەكٸنشٸ تولقىنى باستالعان قىركٷيەك ايىندا ەلەمدە كٷن سايىن 300 مىڭ ادامنان كۆي انىقتالىپ تۇرعان. قازان ايىنا قاراي بۇل كٶرسەتكٸش تەۋلٸگٸنە 600 مىڭعا دەيٸن ٶسكەن. دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸنشە, 20 جەلتوقسان كٷنٸ جاڭا رەكورد – بٸر تەۋلٸك ٸشٸندە اۋرۋ جۇقتىرۋدىڭ 800 مىڭ دەرەگٸ تٸركەلگەن.
سونىمەن بٸرگە, اۋرۋ جۇقتىرعانداردىڭ جالپى سانىنان قايتىس بولعاندار ٷلەسٸ تٶمەندەدٸ. «بٸرٸنشٸ تولقىن» كەزٸندە بۇل كٶرسەتكٸش 6-7 پايىزعا جەتكەن ەدٸ. وسىلايشا, ەلەمدە ۆيرۋس جۇقتىرۋدىڭ 4 ملن وقيعاسى تٸركەلگەن 9 مامىر كٷنٸ اۋرۋعا شالدىققانداردىڭ 6,92 پايىزى (276,8 مىڭ ادام) قايتىس بولدى. كوروناۆيرۋستان قايتىس بولعانداردىڭ سانى 1,7 ملن ادامنان اسقان, بۇل اۋرۋ جۇقتىرعانداردىڭ جالپى سانىنىڭ 2,2 پايىزىن قۇراپ وتىر.
