Ulttyq bank nominaly 500 teńgelik - kúmisten, nominaly 100 teńgelik - MN 25 melhior qospasynan jáne nominaly 100 teńgelik - neizilber qospasynan jasalǵan «Jeńiske 75 jyl» kollektsiialyq monetasyn 8 maýsymnan bastap ainalysqa shyǵarady. Bul jóninde qarjy uiymynyń baspasóz qyzmeti habarlady.
Monetany Qazaqstan Ulttyq bankiniń barlyq aýmaqtyq filialdarynan satyp alýǵa bolady. Filialdar mekenjaiy Ulttyq banktiń saitynda jazylǵan. Nominaly 500 teńgelik kúmis jáne nominaly 100 teńgelik MN 25 melhior qospasynan jasalǵan «Jeńiske 75 jyl» kollektsiialyq monetasy qarjy institýtynyń internet-dúkeninde de satylady.
Monetanyń dizainyna Ulttyq bank Jeńistiń 75 jyldyǵyn merekeleý sheńberinde ótkizilgen «Jeńis monetasyn jasa» jalpy respýblikalyq konkýrs jeńimpazdarynyń ideialaryn paidalandy.
«Jeńiske 75 jyl» monetasynyń grafikalyq kompozitsiiasynyń negizinde soǵys ákelgen alapatty sipattaityn qabyrǵanyń bólingen jaryǵy aiasynda sovet jaýyngeriniń stildendirilgen beinesi bar.
Aldyńǵy jaǵynda máńgilik ottyń beinesi, onyń jalynynan jer betindegi beibitshilik úshin sovet jaýyngerleri ómirleriniń nyshany ispettes kógershinderdiń kókke samǵaǵan beinesi kórsetilgen.
Kompozitsiianyń oń bóliginde – qalampyr gúliniń stildendirilgen beinesi. Joǵary bóliginde – mereitoilyq datalardy bólip turǵan jáne jaýyngerdiń beinesin ustap turǵan bes qyrly juldyz beinelengen.
Monetanyń reversindegi jazý kirillitsada oryndalǵan, bul sol ýaqyttaǵy oqiǵalarmen tarihi bailanysty basa kórsetedi.
Monetalar kollektsiialyq quny boiynsha satýǵa arnalǵan.
Nominaly 500 teńgelik jáne 100 teńgelik kollektsiialyq monetalar barlyq tólemder boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shotyna esepke jazylýǵa jáne aýdarylýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Eske sala keteiik, kollektsiialyq monetalar ainalysqa 27 naýryzda shyqqan bolatyn. Alaida elde jariialanǵan tótenshe jaǵdaiǵa bailanysty monetany satý keiinge shegerildi.
