Qazaqstannyń birinshi, álemniń 23-raketkasy Elena Rybakina Ýimbldon týrniriniń jartylai finalynda jeńis úshin baryn salǵanyn jetkizdi, dep habarlaidy QazAqparat.
Qazaqstandyq tennisshiniń aitýynsha, bul myqty match boldy.
«Qarsylasym Simona Halep – Ýimbldon chempiony atanǵan sportshy, budan buryn da kezdesýlerimiz óte tartysty ótken edi. Osy joly óz ónerime rizamyn, eń bastysy, sapaly oinadym. Árine, júikege ońai tigen joq, degenmen burynǵy matchtar meniń bekinip shyǵýyma septigin tigizdi. Buryn Ortalyq kortta oinaǵan joq edim, biraq bul maǵan áser ete qoiǵan joq. Jankúierlerim qarsy alǵan kezde erekshe sezimge bólendim. Qiyn bolǵanyna qaramastan, báseke nátijesinde jeńiske jetkenime óte qýanyshtymyn. Ádette búkil matchta turaqty oinap shyǵý qoldan kelmeitin, bul joly psihologiialyq daiyndyǵym jaqsy bolyp, bar sheberligimdi kórsete bildim», - dedi Rybakina.
Elena sondai-aq álemniń 2-raketkasy, týnistik Ons Jabermen ótetin finalǵa da toqtaldy.
«Bul tartysty match bolatyny anyq, ol – óte myqty tennisshi. Oǵan qarsy turý qiyn. Degenmen men taǵy da bar kúsh-jigerimdi jumsaimyn. Sońǵy eki aptada aitýly tabystarǵa qol jetkizdim, osylai jalǵastyra bergim keledi», - dedi ol.
