قازاقستاننىڭ بٸرٸنشٸ, ەلەمنٸڭ 23-راكەتكاسى ەلەنا رىباكينا ۋيمبلدون تۋرنيرٸنٸڭ جارتىلاي فينالىندا جەڭٸس ٷشٸن بارىن سالعانىن جەتكٸزدٸ, دەپ حابارلايدى قازاقپارات.
قازاقستاندىق تەننيسشٸنٸڭ ايتۋىنشا, بۇل مىقتى ماتچ بولدى.
«قارسىلاسىم سيمونا حالەپ – ۋيمبلدون چەمپيونى اتانعان سپورتشى, بۇدان بۇرىن دا كەزدەسۋلەرٸمٸز ٶتە تارتىستى ٶتكەن ەدٸ. وسى جولى ٶز ٶنەرٸمە ريزامىن, ەڭ باستىسى, ساپالى وينادىم. ەرينە, جٷيكەگە وڭاي تيگەن جوق, دەگەنمەن بۇرىنعى ماتچتار مەنٸڭ بەكٸنٸپ شىعۋىما سەپتٸگٸن تيگٸزدٸ. بۇرىن ورتالىق كورتتا ويناعان جوق ەدٸم, بٸراق بۇل ماعان ەسەر ەتە قويعان جوق. جانكٷيەرلەرٸم قارسى العان كەزدە ەرەكشە سەزٸمگە بٶلەندٸم. قيىن بولعانىنا قاراماستان, بەسەكە نەتيجەسٸندە جەڭٸسكە جەتكەنٸمە ٶتە قۋانىشتىمىن. ەدەتتە بٷكٸل ماتچتا تۇراقتى ويناپ شىعۋ قولدان كەلمەيتٸن, بۇل جولى پسيحولوگييالىق دايىندىعىم جاقسى بولىپ, بار شەبەرلٸگٸمدٸ كٶرسەتە بٸلدٸم», - دەدٸ رىباكينا.
ەلەنا سونداي-اق ەلەمنٸڭ 2-راكەتكاسى, تۋنيستٸك ونس جابەرمەن ٶتەتٸن فينالعا دا توقتالدى.
«بۇل تارتىستى ماتچ بولاتىنى انىق, ول – ٶتە مىقتى تەننيسشٸ. وعان قارسى تۇرۋ قيىن. دەگەنمەن مەن تاعى دا بار كٷش-جٸگەرٸمدٸ جۇمسايمىن. سوڭعى ەكٸ اپتادا ايتۋلى تابىستارعا قول جەتكٸزدٸم, وسىلاي جالعاستىرا بەرگٸم كەلەدٸ», - دەدٸ ول.
