Búgin alǵashqylardyń biri bolyp óńir basshysy Jeńis Qasymbek, Densaýlyq saqtaý basqarmasynyń basshysy Erjan Nurlybaev, oblystyń bas memlekettik sanitarlyq dárigeri Iýrii Zalygin koronavirýske qarsy vaktsina aldy, dep habarlaidy "Ult aqparat".
Oblysqa reseilik «Spýtnik V» vaktsinasynyń 1 750 dozasy kelip tústi. Onyń 300 dozasy Qaraǵandyda qalady. Qalǵandary Temirtaý, Balqash jáne Jezqazǵanǵa jetkiziledi. Oblysta vaktsinany saqtaý úshin 99 Tońazytqysh qarastyrylǵan. Sondai-aq, 115 termokonteiner jáne eki avtorefrijerator bar.
Alǵashqy vaktsinalaý sharasy Lobody kóshesindegi otbasylyq densaýlyq ortalyǵynda ótti. Munda terapevt-dárigerdiń kabineti, shuǵyl meditsinalyq kómek kabineti, egý kabinetteri jáne vaktsinadan keiingi baqylaý aimaǵy bar. Shuǵyl jáne shtattan tys jaǵdailar úshin jedel meditsinalyq kómek aimaǵy jabdyqtalǵan. Kabinetterde vaktsinatsiialaýdyń barlyq úderisin tirkeitin beinebaqylaý kameralary ornatylǵan. Beine jyl sońyna deiin saqtalady.
Vaktsinatsiiadan buryn dárigerler naýqasty tekserip, tolyq tarihyn, onyń ishinde allergologiialyq málimetterin jinaidy. Temperatýrany, qysymdy jáne impýlsti de ólsheidi. Eger qarsy kórsetilimder bolmasa, vaktsinatsiia jasalady.
Búgin, 1 aqpanda jospar boiynsha Qaraǵandyda barlyǵy 150 meditsina qyzmetkeri ekpe alady.
Qaraǵandyda osyndai vaktsinatsiia ortalyqtary basqa da emhanalar, №1 kópsalaly aýrýhana jáne jeke meditsinalyq mekemeler bazasynda jumys isteitin bolady. Egý pýnktteri Temirtaý, Jezqazǵan jáne Balqashta da iske qosylady.
Birinshi kezeńde Qaraǵandy oblysynda infektsiialyq aýrýhanalardyń, jedel meditsinalyq kómektiń, jan saqtaý bólimsheleriniń, AMSK uiymdarynyń, qabyldaý bólmeleriniń, sanepidqyzmettiń 9 myń meditsina qyzmetkerin egý josparlanýda.
