Eshkimnen jeńilip kórmegen qazaqstandyq sýper aýyr salmaqtaǵy boksshy Izim Izbakidiń (3-0, 2 KO) kelesi jekpe-jegi qashan ótetini belgili boldy, dep habarlaidy Sports.kz saity.
BoxRec.com málimetinshe, Izimniń ringke oralýy 10 aqpanǵa, AQSh-tyń Konnektikýt shtatynda josparlanǵan. Al jekpe-jegi ótetin orny men qarsylasy kim bolatyny ázirge aitylmaidy.
Qazaqstandyq boksshy sońǵy jekpe-jegin 2019 jyldyń qazan aiynda, Amerikanyń Michigan shtatynyń Flint qalasynda ótkizgen edi. Onda ol birinshi raýndta jergilikti boksshy Troi Olbringti (0-3) nokaýtqa túsirdi.
26 jastaǵy Izbaki kásipqoi boks alańyna alǵash ret 2018 jyly Estoniianyń Tallin qalasynda shyqty. Onda Izim Benlarýs boksshysy Oleg Zablotskiidi (0-9) ekinshi raýndta tehnikalyq nokaýtpen jeńdi.
