Jeńildetilgen avtonesieleý baǵdarlamasy 30 jylǵa jalǵasady, - dep habarlaidy Tengrinews.kz agenttigi 24.kz arnasyna silteme jasap.
Jeńildetilgen avtonesieleý baǵdarlamasy iske qosylǵaly bir apta ótti. Búginge deiin bankterge 14 myńnan asa ótinish túsken, onyń 4800-den astamy maquldanǵan.
Telearnanyń málimetinshe, qazaqstandyqtarǵa 35,7 milliard teńge qaryz berilgen. Qazirdiń ózinde 34 kólik iesin tapqan. Jalpy, nesie alýshylar 5 áigili brendtiń 32 modeldi temir tulparyn tizgindei alady. Tiimdi nesieleý aiasynda otandyq avtosalondarda 8 myń kólik bar. Maýsymda onyń sany eki ese artady. Jalpy, jańa avtonesieleý baǵdarlamasy 30 jyl boiy júzege asady.
"Áleýmettik turǵyda da, ekonomikalyq turǵyda da yńǵaily nárse bolsa, bári sony alǵysy keledi. Sondyqtan kópshilik 100 milliard bólindi, on millionnan sanasaq, on-aq myń adam mashina alady boldy, qalǵandary qaldy dep oilaidy. Bul arada revolverlik qaǵidat bar. Bul aqsha 30 jyl ainalatyn bolady", - dedi "Ónerkásipti damytý qory" AQ basqarýshy direktory Ǵalymjan Ádi.
Beriletin kólikter halyqaralyq talaptarǵa sai. Óitkeni, shyǵarý aldynda birneshe tekserýden ótetinin aitady, basqarýshy direktor.
