Foto:elements.envato.com
Premer-ministrdiń birinshi orynbasary Roman Skliar jeńildetilgen avtonesiege qosymsha qarjylandyrý bola ma degen suraqqa jaýap berdi, - dep habarlaidy Tengrinews.kz agenttigi.
"Avtonesiege keletin bolsaq, shynymen de ótinish kóp. Biz múmkindiginshe, qosymsha qarjy bólýge tyrysamyz. ÓKM-degi 220 milliard teńgeniń 100 milliardyn jeńildetilgen avtonesiege, al 30 millionyn aýyl sharýashylyǵy taýaryn óndirýshilerge aýdardyq. Iaǵni, aýyl sharýashylyǵymen ainalysatyndar kombain, traktorlardy jylyna alty paiyzdyq jarnasyz satyp ala alady", - dep túsindirdi Skliar Úkimet otyrysynda.
Skliar jeńildetilgen avtonesielerdi uzartýǵa jáne qosymsha qarjylandyrýǵa barynsha múmkindik jasaitynyn aitty.
"Biz kásipkerler men azamattardyń kólikterin jańartýǵa, sol arqyly ekologiiany jaqsartýǵa kómektesemiz. Eger mundai múmkindik bolsa, biz ony paidalanamyz. Jeńildikti avtonesiege bólingen 100 milliard teńgeni 12 myńnan asa adam paidalandy", - dedi Roman Skliar.
