Qazaqstandyq jeńil atletter Tokio Olimpiadasyna úsh litsenziia jeńip aldy, dep habarlaidy "Ult aqparat" Olympic.kz saityna silteme jasap.
Aita keteiik, sportshylar tiisti normativti buǵan deiin ótken Qazaqstan chempionaty barysynda oryndady. Halyqaralyq jeńil atletika federatsiiasy qazaqstandyq sportshylardyń nátijesin búgin resmi jariialady.
Sonymen, #teamKZ qorjynyna Mariia Ovchinnikova, Kristina Ovchinnikova jáne Nadejda Dýbovitskaia úsh joldama alyp keldi.
Mariia Ovchinnikova litsenziiany úsh qarǵyp sekirý jarysynyń qorytyndysy boiynsha jeńip aldy. Sportshy 14,34 metr nátijemen úzdik kórsetkishke qol jetkizdi. Bul nátije olimpiadalyq standarttan eki santimetrden asyp túsedi (14.32).
Kristina Ovchinnikova men Nadejda Dýbovitskaia joldamany biiktikke sekirýden aldy. Nadejda Dýbovitskaia Aziia rekordyn jańartyp, 2,0 metr nátije kórsetti. Kristina Ovchinnikova 1,96 nátijesin tirkedi. Litsenziiany oryndaý normasy 1,96 nátijesi bolǵandyqtan, eki nátije de Tokiodaǵy Jazǵy Olimpiada oiyndaryna qatysýǵa múmkindik beredi.
Aita keterligi, jeńil atletikadan Qazaqstan quramasynyń qorjynynda buǵan deiin tórt joldama boldy. Olardy Olga Rypakova (úsh qarǵyp sekirý), Grigorii Sheiko, Aiman Ratova (sporttyq júris) jáne Janna Mamajanova (marafon) jeńip alǵan edi.
Búginde Qazaqstan qorjynynda sporttyń 25 túrinen 66 joldama bar.
