قازاقستاندىق جەڭٸل اتلەتتەر توكيو وليمپياداسىنا ٷش ليتسەنزييا جەڭٸپ الدى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
ايتا كەتەيٸك, سپورتشىلار تيٸستٸ نورماتيۆتٸ بۇعان دەيٸن ٶتكەن قازاقستان چەمپيوناتى بارىسىندا ورىندادى. حالىقارالىق جەڭٸل اتلەتيكا فەدەراتسيياسى قازاقستاندىق سپورتشىلاردىڭ نەتيجەسٸن بٷگٸن رەسمي جارييالادى.
سونىمەن, #teamKZ قورجىنىنا مارييا وۆچيننيكوۆا, كريستينا وۆچيننيكوۆا جەنە نادەجدا دۋبوۆيتسكايا ٷش جولداما الىپ كەلدٸ.
مارييا وۆچيننيكوۆا ليتسەنزييانى ٷش قارعىپ سەكٸرۋ جارىسىنىڭ قورىتىندىسى بويىنشا جەڭٸپ الدى. سپورتشى 14,34 مەتر نەتيجەمەن ٷزدٸك كٶرسەتكٸشكە قول جەتكٸزدٸ. بۇل نەتيجە وليمپيادالىق ستاندارتتان ەكٸ سانتيمەتردەن اسىپ تٷسەدٸ (14.32).
كريستينا وۆچيننيكوۆا مەن نادەجدا دۋبوۆيتسكايا جولدامانى بيٸكتٸككە سەكٸرۋدەن الدى. نادەجدا دۋبوۆيتسكايا ازييا رەكوردىن جاڭارتىپ, 2,0 مەتر نەتيجە كٶرسەتتٸ. كريستينا وۆچيننيكوۆا 1,96 نەتيجەسٸن تٸركەدٸ. ليتسەنزييانى ورىنداۋ نورماسى 1,96 نەتيجەسٸ بولعاندىقتان, ەكٸ نەتيجە دە توكيوداعى جازعى وليمپيادا ويىندارىنا قاتىسۋعا مٷمكٸندٸك بەرەدٸ.
ايتا كەتەرلٸگٸ, جەڭٸل اتلەتيكادان قازاقستان قۇراماسىنىڭ قورجىنىندا بۇعان دەيٸن تٶرت جولداما بولدى. ولاردى ولگا رىپاكوۆا (ٷش قارعىپ سەكٸرۋ), گريگوريي شەيكو, ايمان راتوۆا (سپورتتىق جٷرٸس) جەنە جاننا ماماجانوۆا (مارافون) جەڭٸپ العان ەدٸ.
بٷگٸندە قازاقستان قورجىنىندا سپورتتىڭ 25 تٷرٸنەن 66 جولداما بار.
